قىرعىزستاندا بالالار پسيحيكالىق دامۋى جاعىنان ارتتا قالۋدا
ارنايى جۇرگىزىلگەن زەرتتەۋگە نارىن جانە ىستىقكول وبلىستارىنان 700 قىز بالا قاتىسقان. دارىگەرلەر ولاردىڭ %76 ىنىڭ پسيحيكالىق جۇيەسىنىڭ دامۋىندا بوگەلىستەردى بايقاپتى.
اق حالاتتىلاردىڭ ايتۋىنشا، ونىڭ ورگانيكالىق، گەنەتيكالىق جانە الەۋمەتتىك- پەداگوگيكالىق سەبەپتەرى بولۋى مۇمكىن.
بۇل - بالانىڭ پسيحيكالىق دەنساۋلىعى ءۇشىن تەك دارىگەرلەر عانا ەمەس، سونداي-اق وقىتۋشىلار مەن اتا-اناسى دا جاۋاپتى دەگەن ءسوز. ماسەلەن، ۇزاققا سوزىلعان سوزىلمالى اۋرۋلاردىڭ كەسىرىنەن - قۇلاقتىڭ قابىنۋى، كونيۋكتيۆيت جانە قان ازدىعىنا شالدىعۋى مۇمكىن. ال اتا-انالار بولسا وعان ءمان بەرمەي جۇرە بەرەدى ەكەن.
سالامات مۋرزابايەۆا، نەۆروپاتولوگ:
- زەرتتەۋگە قاتىسقان بالالاردىڭ اتا-اناسى، اجە-اتاسى ۇل-قىزدارىنىڭ مۇنداي دەرتى بار ەكەنىن ءتىپتى سەزبەگەن ەكەن. وعان دەر كەزىندە اقپارات الماۋى نە بولماسا، ونىڭ جەتكىلىكسىز بولۋى سەبەپ. ماسەلەن، 3-4 جاستاعى بالالاردىڭ اكە- شەشەسى ۇل- قىزىنىڭ سويلەۋ قابىلەتىندەگى اۋىتقۋلارىن، ءتىپتى سال اۋرۋىنا شالدىققاندارىن بىلمەي جۇرە بەرگەن ەكەن.
www.24.kz
