ن. نازاربايەۆ: ەلوردا - ەل تاعدىرىمەن ەنشىلەس مەنىڭ ءومىرىمنىڭ ءماندى بولشەگى
«قادىرلى قاۋىم!
سوڭعى ۋاقىتتا مەنىڭ اتىما استانا كۇنىنە جانە مەرەيتويىما بايلانىستى كوپتەگەن حاتتار مەن جەدەلحاتتار كەلىپ ءتۇستى.
قۇتتىقتاۋشىلار قاتارىندا مەملەكەتتەردىڭ، حالىقارالىق ۇيىمدار مەن كومپانيالاردىڭ باسشىلارى، قوعام وكىلدەرى جانە ەل ازاماتتارى بار.
جىلى لەبىزدى تىلەكتەر الەمنىڭ تۇكپىر-تۇكپىرىنەن جانە ەلىمىزدىڭ بارلىق وڭىرىنەن كەلدى.
اسىرەسە، مەنى تولقىتقانى - ءجاسوسپىرىم مەكتەپ وقۋشىلارى ءوز ولەڭدەرىن، سۋرەتتەرىن، قۇتتىقتاۋلارىن جولداپ جاتتى. بۇل ادامنىڭ جۇرەگىن تەبىرەنتەدى.
بيىل 17 جاسقا تولعان ەلوردا - ەل تاعدىرىمەن ەنشىلەس مەنىڭ ءومىرىمنىڭ ءماندى بولشەگى.
استانا كۇنىمەن قابات كەلگەن مەرەيتويىما ارنالعان ەڭ قىمبات سىيلىق - قازاقستاننىڭ جەتكەن جەتىستىكتەرى.
ءومىرىن مەملەكەتتىڭ مەرەيلى، حالقىمنىڭ باقىتتى بولۋىنا ارناعان مەن ءۇشىن كوپتىڭ شىنايى ىقىلاسىنان ارتىق ەشتەڭە جوق.
وسىنداي قولداۋ، ارينە، جىگەرلەندىرەدى، حالىققا قىزمەت ەتۋگە، بەلگىلەنگەن باعدارلامالاردى ورىنداۋعا كۇش بەرەدى.
جىلى لەبىزدى قۇتتىقتاۋلار ءۇشىن بارشاڭىزعا شىن جۇرەكتەن زور ريزاشىلىق بىلدىرەمىن!
ءارقايسىڭىزعا جەكە-جەكە ريزاشىلىعىمدى بىلدىرۋگە دە بولار ەدى، ءبىراق ول مۇمكىن ەمەس. سوندىقتان مەنىڭ وسى ايتقان سوزدەرىمدى ءارقايسىڭىزعا ريزاشىلىعىم مەن راحمەتىم دەپ بىلەرسىزدەر.
ءوز تاراپىمنان بارشاڭىزعا زور دەنساۋلىق، باق- بەرەكە تىلەيمىن!»، - دەلىنگەن مەملەكەت باسشىسىنىڭ كەلىپ تۇسكەن قۇتتىقتاۋلار اۆتورلارىنا ارناعان سوزىندە.
