10:50, 13 - شىلدە 2015 | GMT +6
دارىگەردىڭ سالعىرتتىعىنان ءۇش ناۋقاس قايتىس بولدى
استانا. قازاقپارات - رەسەيدە حاباروۆسكىنىڭ جەرگىلىكتى اۋرۋحانا دارىگەرى ابايسىزدا ادام ءولتىردى دەپ ايىپتالدى، دەپ جازادى «ر ي ا نوۆوستي».
تەرگەۋ كوميتەتىنىڭ حابارلاۋىنشا، 2013 جانە 2014-جىلدارى اۋرۋحانالاردىڭ بىرىندە ءۇش ناۋقاس كوز جۇمىپ، تاعى بىرەۋى مۇگەدەك بولىپ قالدى.
ۆەدومستۆو جەرگىلىكتى دارىگەر ارنايى سەرتيفيكاتى بولماي تۇرىپ رەنتگەنەندوۆاسكۋليارلىق دياگنوستيكا جاسادى جانە ەمدىك شارالارىن تاعايىندادى دەپ ايىپ تاعىپ وتىر. وسىعان بايلانىستى، «ابايسىزدا ادام ءولتىرۋ» بابى بويىنشا قالمىستىق ءىس قوزعالدى.
شىلدە ايىندا تەرگەۋ كوميتەتى ناۋقاستاردى ەمدەۋدە سالعىرتتىق تانىتتى دەگەن كۇدىكپەن بىرنەشە قىلمىستىق ءىس بويىنشا تەرگەۋ جۇرگىزدى.
