قازاقستاننىڭ اسكەري جوعارى وقۋ ورىندارىنا جاڭا ەرەجەلەر بويىنشا قابىلدايتىن بولادى

استانا. قازاقپارات - قازاقستاننىڭ جوعارى اسكەري وقۋ ورىندارىنا قابىلداۋدىڭ ەرەجەلەرى وزگەرتىلدى.

 بۇل تۋرالى ق ر قورعانىس مينيسترلىگىنىڭ باسپا ءسوز قىزمەتىنەن حابارلادى.

جاڭا قاعيدالارعا سايكەس تەستىلەۋدە تالاپكەرلەر تاڭداي الاتىن پاندەردىڭ ءتىزىمى كەڭەيدى. اسكەري وقۋ ورىندارىنا ءتۇسۋ ءۇشىن (تاڭدالاتىن اسكەري ماماندىققا قاراماستان) فيزيكا، گەوگرافيا، حيميا، بيولوگيا جانە دۇنيەءجۇزى تاريحى پاندەرى بەلگىلەندى.

سونىمەن بىرگە، وقۋعا ءتۇسۋ ءۇشىن قۇجاتتاردى رەسىمدەۋ ءراسىمى قىسقارتىلدى، سونداي- اق ولاردى قابىلداۋ مەرزىمى ۇزارتىلدى. اتاپ ايتقاندا، ق ر ق م جوعارى اسكەري وقۋ ورىندارى مەن كادەت كورپۋسىنا 20 - شىلدەگە دەيىن، رەسپۋبليكالىق اسكەري مەكتەپتەرگە 15- تامىزعا دەيىن قۇجاتتار قابىلدانادى.   اسكەري وقۋ ورىندارىنا الۋ 21 - تامىزعا دەيىن جۇرگىزىلەدى. ودان باسقا، ەندى تالاپكەرلەردىڭ ت ك ت سەرتيفيكاتتارىن ۇسىنباي- اق جەرگىلىكتى اسكەري باسقارۋ ورگاندارىندا (اسكەري كوميسسارياتتاردا) مەديتسينالىق كۋالاندىرۋدان وتۋلەرىنە مۇمكىندىكتەرى بار.  

قازىرگى ۋاقىتتا قازاقستاندا باكالاۆريات باعدارلاماسى بويىنشا اسكەري مامانداردى دايارلاۋدى جۇزەگە اسىراتىن ءۇش اسكەري جوعارى وقۋ ورنى ىسكە قوسىلعان. ول قۇرلىق اسكەرلەرىنىڭ اسكەري ينستيتۋتى، راديوەلەكترونيكا جانە بايلانىس اسكەري- ينجەنەرلىك ينستيتۋتى، كەڭەس وداعىنىڭ ەكى مارتە باتىرى ت. بيگەلدينوۆ اتىنداعى اۋە قورعانىسى كۇشتەرىنىڭ اسكەري ينستيتۋتى.

وتكەن ەكى جىل ىشىندە مۇندا ەلىمىزدىڭ تۇكپىر- تۇكپىرىنەن جينالعان ورتا جانە ورتا ارناۋلى وقۋ ورىندارىنىڭ 1 144 ءبىتىرۋشىسى وقۋعا ءتۇستى. قازىرگى كەزدە قازاقستاننىڭ ءۇش اسكەري ءبىلىم وشاعى جاڭا كۋرسانتتاردى قابىلداۋعا دايىن.