ق ر پرەزيدەنتى الەكساندر نيەۆسكي وردەنىمەن ماراپاتتالدى
«بۇكىل ەلىمىز سىزگە زور قۇرمەتپەن قارايدى. ءبىزدىڭ حالىقتارىمىزدىڭ الدىنداعى ءسىزدىڭ ەڭبەگىڭىزدىڭ جانە ينتەگراتسيالىق ۇدەرىستەر ماسەلەسى بويىنشا ءسىز كوتەرگەن، بۇگىندە اياعىنا جەتكەن باستامالاردىڭ بەلگىسى رەتىندە سىزگە وسى ناگرادانى تاپسىرۋعا رۇقسات ەتىڭىز»، - دەدى رەسەي پرەزيدەنتى.
مەملەكەت باسشىسى ءوز كەزەگىندە ۆلاديمير پۋتينگە ەڭبەگىن جوعارى باعالاعانى ءۇشىن العىس ايتتى.
«كورسەتىلگەن ىقىلاس ءۇشىن بۇكىل رەسەي حالقىنا، بۇقارالىق اقپارات قۇرالدارىنا راحمەت ايتقىم كەلەدى. ءبىزدىڭ جاساپ جاتقانىمىزدىڭ بارلىعى بارشا قازاقستان مەن رەسەي حالقى ءۇشىن جاسالۋدا. بۇگىن - تاريحي كۇن، ويتكەنى ءار قۇرلىقتان كەلگەن ءتۇرلى ەلدەردىڭ كوشباسشىلارى كەزدەسىپ وتىر. بۇرىنىراقتا مەن ءتۇپتىڭ تۇبىندە بارلىق ۇيىمدار بولاشاعى زور ورتاق ءبىر ينتەگراتسيالىق بىرلەستىككە بىرىگەتىنىن ايتقان ەدىم»، - دەدى قازاقستان پرەزيدەنتى.
نۇرسۇلتان نازاربايەۆ پەن ۆلاديمير پۋتين ەكىجاقتى ءوزارا ىقپالداستىقتىڭ كەڭ اۋقىمدى ماسەلەلەرىن قاراستىردى.
سونداي-اق ەكى مەملەكەتتىڭ كوشباسشىلارى وڭىرلىك جانە حالىقارالىق كۇن تارتىبىندەگى ءبىرقاتار وزەكتى ماسەلەلەردى تالقىلادى.
اتاپ وتەيىك، الەكساندر نيەۆسكي وردەنىمەن رەسەي فەدەراتسياسىمەن اراداعى كوپجاقتى ىنتىماقتاستىقتى دامىتۋعا قوسقان ەڭبەگى ءۇشىن كورنەكتى شەتەلدىك ساياسي جانە قوعام قايراتكەرلەرى، شەت مەملەكەتتەردىڭ ىسكەرلىك قوعامداستىعىنىڭ وكىلدەرى ماراپاتتالادى.
