مەن ساۋلەتى جاراسقان ەرەكشە قالادا تۇراتىن استانالىقتارعا قىزىعا قارايمىن - ەۋرو پارلامەنت دەپۋتاتى
«استانالىقتاردىڭ كەرەمەت قالادا تۇراتىنىنا قىزىعا قارايمىن. قالا وڭايلىقپەن سالىنباسا دا، جۇمىلعان كۇشتىڭ ارقاسىندا بوي كوتەردى. قازىر استانادا تۇرۋدىڭ ءوزى ءبىر مارتەبە. سوندىقتان دا ەلدىڭ ءار تۇكپىرىنەن استاناعا اعىلىپ كەلۋشىلەر ارتا تۇسۋدە»، - دەدى ا. مامىكين.
ەۋرو دەپۋتاتتىڭ ايتۋىنشا، ەلوردا زاماناۋي زياتكەرلىك جوعارى وقۋ ورىندارىمەن ەل ازاماتتارىن وزىنە تارتا تۇسۋدە. بۇل وقۋ ورىندارىندا ءبىلىم الۋ قازاقستاندىقتار ءۇشىن عانا ەمەس، الەمدەگى باسقا مەملەكەتتەردەن كەلگەن ستۋدەنتتەر ءۇشىن دە ەرەكشە مارتەبە.
«استانالىقتاردىڭ ءوز قالاسىنا دەگەن ماحابباتى ارتا ءتۇسسىن دەگەن تىلەك بىلدىرگىم كەلەدى. استانا تۇرعىندارىن شىن جۇرەكتەن بۇگىنگى مەرەكەلەرىمەن قۇتتىقتايمىن. سونىمەن بىرگە، استانا مەنىڭ ەڭ سۇيىكتى قالالارىمنىڭ ءبىرى ەكەنىن ايتا كەتكىم كەلەدى»، - دەپ ويىن ءبىلدىردى ا. مامىكين.
