08:07, 06 - شىلدە 2015 | GMT +6
ا ق ش- تا تۇراتىن ماياكوۆسكيدىڭ قىزى رەسەي ازاماتتىعىن العىسى كەلەدى
استانا. قازاقپارات - ۆلاديمير ماياكوۆسكيدىڭ نيۋ-يوركتە تۇراتىن جالعىز قىزى پاتريسيا تومپسون ورىس ءتىلىن قايتادان ۇيرەنىپ، ر ف ازاماتتىعىن العىسى كەلەدى، دەپ جازادى «موسكوۆسكي كومسومولەتس».
«مەن ورىس ءتىلىن ۇيرەنۋمەن شىنداپ اينالىسقىم كەلەدى، بۇل ماعان جوعالتقان ىشكى جان-دۇنيەمنىڭ جارتىسىن قايتارار ەدى. ەگەر مەن ورىس تىلىندە بىرەۋلەرمەن سويلەسىپ جۇرسەم، قايتادان ءتىلدى ۇيرەنىپ كەتەر ەدىم»، - دەپ ءوز سىرىمەن ءبولىستى اقىننىڭ قىزى ت ا س س تىلىشىسىمەن.
ماياكوۆسكيدىڭ 89 جاستاعى قىزى - نيۋ-يورك قالالىق ۋنيۆەرسيتەتىنىڭ لەمانوۆ كوللەدجىندە فيلوسوفيا پروفەسسورى جانە 20 دان استام كىتاپتىڭ اۆتورى.
«مەن رەسەيلىك ءتول قۇجاتقا يە بولىپ، رەسەي ازاماتتىعىن الۋدى كوپتەن بەرى ارمانداپ ءجۇرمىن»، - دەدى تومپسون.
