استانادا ارت فەست فەستيۆالى وتۋدە - فوتو
فەستيۆال «Astana Expo-2017» كورمەسىنىڭ يدەياسىن بەينەلەيتىن ءۇش تاقىرىپتان تۇرادى: «وت ەنەرگياسى»، «سۋ ەنەرگياسى» جانە «اۋا ەنەرگياسى».
ونىڭ اياسىندا بالالاردىڭ شىعارماشىلىق شەبەرلىك سىنىپتارىن، تەاترلىق قويىلىمدار جانە وقىتۋ سەمينارلارىن الاڭىن ۇيىمداستىرۋ قاراستىرىلعان.
فەستيۆالدا ەنەرگەتيكا مەن IT- تەحنولوگيالار سالاسىنداعى يننوۆاتسيالىق جوبالار ۇسىنىلدى. بۇل كۇندەرى شارا قوناقتارى يننوۆاتسيالىق ينستاللياتسيالار مەن فرانسيا، گەرمانيا، نيدەرلاندى، يتاليا، يسپانيا، ا ق ش، رەسەي جانە قازاقستان سۋرەتشىلەرىنىڭ جۇمىستارىن تاماشالاي الادى.
- جوبا 2014 -جىلى ازىرلەنگەن بولاتىن، ءبىز D3 تەحنولوگيالارمەن اينالىساتىن كومپانيا رەتىندە قۇرىلدىق. الداعى ۋاقىتتا D3 پرينتەرلەردىڭ سەريالىق شىعارىلۋىن قولعا الماقپىز. سونداي- اق جاقىندا ءوزىمىز جاساعان پرينتەرلەردى شىعارامىز، مودەل F-27 دەپ اتالاتىن بولادى، - دەدى «3D Lab» كومپانياسىنىڭ ديرەكتورى سۇندەتوۆ رۇستەم.
فەستيۆال ارحيتەكتۋرا، ونەر، ديزاين جانە ەڭ سوڭعى ۇلگىدەگى تەحنولوگيالاردى بىرىكتىردى. ارت- فەستيۆال ءساندى WI-FI اعاشتارمەن، قازاقستاندا تۇراتىن ەتنوستاردىڭ ويۋ- ورنەكتەرىمەن بويالعان اتتارمەن بەزەندىرىلدى.
كوڭىلدى كونتسەرتتىك باعدارلاما، ارتىستەردىڭ ەرەكشە ونەرلەرى ساعات 11:00 دەن 23:00 گە دەيىن كورەرمەن نازارىنا ۇسىنىلاتىن بولادى.
