رەسپۋبليكالىق «قازاقستان بارىسى» تۋرنيرىنىڭ فينالدىق كەزەڭى باستالدى

استانا. قازاقپارات - استاناداعى «سارى ارقا» ۆەلوترەگىندە ۇلت كوشباسشىسى - قازاقستان رەسپۋبليكاسىنىڭ پرەزيدەنتى ن. ءا. نازاربايەۆتىڭ جۇلدەسى ءۇشىن قازاق كۇرەسىنەن «قازاقستان بارىسى» V رەسپۋبليكالىق تۋرنيرىنىڭ فينالدىق كەزەڭى باستالدى.

وسىمەن بەسىنشى رەت ۇيىمداستىرىلىپ وتىرعان الىپتار الامانى قازاقستاننىڭ ەڭ اۋقىمدى جوباسىنا دا اينالىپ، جۇرتشىلىقتىڭ اسىعا كۇتەتىن ۇلكەن سپورتىنىڭ ءبىرى بولىپ وتىر.

 بيىل ادەتتەگى قالىپتاسقان ەرەجە بويىنشا «قازاقستان بارىسى» تۋرنيرىنە ەلىمىزدىڭ ءار ايماعىنان ىرىكتەلگەن 32 بالۋان مەن بىلتىرعى جىلعى جارىستىڭ جەڭىمپازى مۇحيت تۇرسىنوۆ جولداما العان بولاتىن.

ەسكە سالا كەتەيىك، «قازاقستان بارىسى» V رەسپۋبليكالىق تۋرنيرىنىڭ جۇلدە قورى  225000  ا ق ش دوللارىن قۇرايدى. ونىڭ ىشىندە 35 مىڭ ا ق ش دوللارى سپورتشىلاردىڭ جاتتىقتىرۋشىلارىنا تاعايىندالعان.

جۇلدە قورى تومەندەگىدەي:

1-ورىن - 150 مىڭ ا ق ش دوللارى؛

2-ورىن - 30 مىڭ ا ق ش دوللارى؛

3-ورىن - 10 مىڭ ا ق ش دوللارى.

اۆتور: قانات مامەتقازى ۇلى