الماتىدا «قۇستار فەستيۆالى» فارس- كومەدياسىنىڭ پرەمەراسى ءوتتى - فوتو

الماتى. قازاقپارات - الماتىدا ع. مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترى دراماتۋرگ دۋلات يسابەكوۆتىڭ  «قۇستار فەستيۆالى» فارس- كومەدياسىن ساحنالادى. ەكى كۇن بويى وتكەن پرەمەرا قالىڭ كوپشىلىكتىڭ ىستىق ىقىلاسىنا بولەندى.

ايتا كەتەيىك، اتالعان پەسانى دۋلات يسابەكوۆ وسىدان 23 جىل بۇرىن جازعان. وعان دەيىن بىرنەشە تەاترلاردا ساحنالاندى. ولاردىڭ ىشىندە ساتسىزىدە بولدى. پەتەربوردىڭ مۋزىكالىق كومەديا تەاترى وسى شىعارمانى  2012 -جىلى الماتىدا وتكەن «يسابەكوۆ الەمى» فەستيۆالىنە اكەلىپ كورسەتكەن بولاتىن.

اۆتور پرەمەرانى تاماشالاعان سوڭ ول سپەكتاكلدىڭ ءومىرىنىڭ جالعاسۋىنا ءۇزىلدى- كەسىلدى قارسى شىققان.

«مەنىڭ ورنىمدا باسقا بىرەۋ بولسا، «ءاي پەتەربور تەاترى عوي، ايتەۋىر اتى اتالىپ جۇرە بەرسىنشى» دەر ەدى. ال مەن ويتە المادىم. تەاتر باسشىلىعىنان وسىدان كەيىن سپەكتاكلدى كورسەتپەۋىن ءوتىندىم. ال بۇگىن ع. مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترىنىڭ ۇجىمى بۇل جۇكتى كوتەرىپ الىپ شىقتى. سىزدەردى شىن جۇرەكتەن قول سوقتىرۋ ءۇشىن تەاتر ۇجىمى قانشا تەر توكتى. ورازا تۇسىندا اشتان اش كۇنىنە ءۇش رەت دايىندىق جاسادى»، - دەدى دۋلات يسابەكوۆ.

سپەكتاكل ادامزات پەن قوعام پايدا بولعاننان بەرى كەڭىنەن ورىن العان تەڭسىزدىك، الدىلەردىڭ ءالجۋازداردى بيلەپ- توستەۋى، سونىڭ ناتيجەسىندە تۋىندايتىن پەندەشىلىكتىڭ ادامي قاسيەتتەرمەن تارتىسى جايلى بولدى.

رەجيسسەر سافۋان شايمەردەنوۆتىڭ ايتۋىنشا، اتالعان كومەديا جاسوسپىرىمدەرگە ارنالعانمەن، ەرەسەكتەرگە دە ءتۇرلى وي سالادى. ويتكەنى، رەجيسسەر قۇستاردىڭ اراسىنداعى ءان بايقاۋى ارقىلى ءدال بۇگىنگى شىعارماشىلىق قوعامنىڭ تامىرىن ءدوپ باسىپ كورسەتكەن.

قويىلىمدا ادامداردىڭ اراسىنداعى بۇلبۇل سىندى «ناعىز تالانتتاردىڭ» كولەڭكەدە قالىپ قوياتىندىعى باياندالعان. بايقاۋعا قاتىسقان كوكەكتىڭ م س سايلاۋبەكتىڭ شالدىر- شاتپاعىن ورىنداۋىنىڭ ءوزى ۇلكەن تاپقىرلىق بولدى. بۇل دا ءان ونەرىندەگى «رەپ» سياقتى جەڭىل- جەلپى قۇبىلىستىڭ بەلەڭ الىپ بارا جاتقاندىعىن كورسەتتى.

«اۆتوردىڭ ءوز بەلگىلەۋى بويىنشا جانرى ايتىلماعان. بالالار مەن جاسوسپىرىمدەرگە، قۋىرشاق تەاترىنا ارنالعان ەرتەگى دەپ ايتىلادى. 23 جىل بۇرىن جازىلعان. مەنىڭ ويىمشا، اۆتور 23 جىل بۇرىن ىشتەي قىنجىلىس ءبىلدىرىپ، قوعامداعى ادىلەتسىزدىككە كوڭىلى تولماعان كەزىندە جازعان. قۇستار تۋرالى بولعانىمەن، ادامداردىڭ اراسىنداعى الاۋىزدىقتى، جەمقورلىقتى كورسەتەدى. ەرەسەكتەرگە ارنالعان تاقىرىپ رەتىندە، كومەديا- فارس رەتىندە الدىق»، - دەدى س. شايمەردەنوۆ.