تىڭدارماندار مايرا مۇحامەد قىزىن ورىسشا قاتە جازعانى ءۇشىن سىنعا الدى

استانا. قازاقپارات - قازاقستان اتىن الەمگە تانىتقان وپەرا ءانشىسى مايرا مۇحامەد قىزىنىڭ Instagram-داعى جازبالارىندا ورفوگرافيالىق قاتەنى كوپ جىبەرەتىنى جازىلۋشىلارىنا ۇناماي قالدى.

مايرا مۇحامەد قىزىنىڭ ورىسشا جازعان جازبالارىنداعى قاتەنى جانكۇيەرلەرى كەشىرگەن جوق. كوپتەگەن جازىلۋشىلار وزگە تىلدە ەركىن مەڭگەرمەسە، ساۋاتسىز جازبا قالدىرۋدىڭ قاجەتى جوقتىعىن ايتقان.

ەسكە سالا كەتەيىك، تانىمال وپەرا ءانشىسى قىتايدا دۇنيەگە كەلگەن بولاتىن. الەمدەگى تانىمال وپەرا تەاترلارىندا ءان سالعان ول بۇگىندە ورىس ءتىلىن مەڭگەرىپ ءجۇر.

دەرەككوز: Nur.kz