ەلباسى: مينيسترلەر، مينيسترلەردىڭ ورىنباسارلارى، وبلىس اكىمدەرى قىلمىستىق جاۋاپقا تارتىلدى، ەكس- پرەمەر تەرگەلۋدە
«نەلىكتەن سوڭعى جىلدارى قىلمىستىق جاۋاپقا تارتىلعان پاۆلودار وبلىسى اكىمىن، اتىراۋ وبلىسىنىڭ اكىمىن، قاراعاندى وبلىسىنىڭ اكىمىن ەستەن شىعارامىز. ولاردىڭ بارلىعى دا مەنىڭ تانىسىم بولدى. مەن ۇزاق ۋاقىتتان بەرى تانيتىن، زور قۇرمەتپەن قارايتىن قاراعاندى وبلىسىنىڭ اكىمى، پرەمەر- مينيستر لاۋازىمىنا دەيىن كوتەرىلگەن بولاتىن. قازىرگى ۋاقىتتا ول تەرگەلۋدە. ويتكەنى، فاكتىلەر بار. بۇعان ارالاسۋعا بولمايدى»، - دەدى ەلباسى.
مەملەكەت باسشىسى وسى رەتتە جەمقورلىقپەن كۇرەس جونىندەگى العاشى زاڭ قابىلدانعان كەزدە حالىققا ارنايى ۇندەۋ جاريالاعانىن ەسكە سالىپ ءوتتى.
«مەن ءوز تۋعان- تۋىستارىمدى، دوستارىمدى، بالالارىمدى دا بۇل رەتتە اياۋشىلىق بولمايتىندىعىن ەسكەرتەمىن. مۇنى تەلەارنا ارقىلى بۇكىل ەلگە ايتتىم. قازىر دە تاعى قايتالاپ ايتامىن. مينيسترلەردى، مينيسترلەردىڭ ورىنباسارلارىن تۇرمەگە وتىرعىزدىق. مەن باسقالار جايىندا ايتىپ وتىرعان جوقپىن. ياعني، قازىرگى ۋاقىتتا ىمىراسىز كۇرەس جۇرگىزىلۋدە جانە مۇنىڭ بارلىعى بەكەر دەپ ويلاماڭىزدار. ادام ءار ۋاقىتتا ءوز قاتەلىكتەرىن مويىندامايدى. سوندىقتان بۇل ءبىزدىڭ بارلىق شەنەۋنىكتەردى ايىقتىرۋى ءتيىس جانە ولار بۇل رەتتە ەشقانداي قامقورشىنىڭ بولمايتىندىعىن ءتۇسىنۋى قاجەت. مەملەكەت قارجىسىنا قول سۇعۋعا بولمايدى»، - دەدى ق ر پرەزيدەنتى.
اۆتور: مارلان جيەمباي
