ق ر پرەزيدەنتى مەن يزرايل پرەمەرى ىنتىماقتاستىقتىڭ باسىمدىعى بار باعىتتارىن تالقىلادى

استانا. قازاقپارات - مەملەكەت باسشىسى نۇرسۇلتان نازاربايەۆ يزرايل پرەمەر-ءمينيسترى بينيامين نەتانياحۋمەن تەلەفون ارقىلى سويلەستى.

بۇل تۋرالى اقوردانىڭ باسپا ءسوز قىزمەتى حابارلادى.

يزرايل پرەمەر-ءمينيسترى بارشا مۇسىلماندار ءۇشىن قاسيەتتى رامازان ايىنا بايلانىستى نۇرسۇلتان نازاربايەۆقا شىنايى قۇتتىقتاۋىن جەتكىزدى.

مەملەكەت باسشىسى بينيامين نەتانياحۋدى يزرايل پرەمەر-ءمينيسترى لاۋازىمىنا قايتا سايلانۋىمەن قۇتتىقتاپ، جاۋاپتى قىزمەتىنە تابىس تىلەدى.

اڭگىمە بارىسىندا تاراپتار قازاقستان-يزرايل ىنتىماقتاستىعىنىڭ باسىمدىعى بار باعىتتارىن تالقىلاپ، ساۋدا- ەكونوميكا جانە ينۆەستيتسيا سالالارىنداعى، سونداي-اق حالىقارالىق ۇيىمدار اياسىنداعى ءوزارا ءىس-قيمىلدى جانداندىرۋ جولدارىن بەلگىلەدى.

تەلەفون ارقىلى سويلەسۋگە يزرايل جاعى باستاماشىلىق ەتتى.