قاراعاندىدا قازاقستان، ا ق ش، قىتاي، بەلارۋس، رەسەي بارلاۋشىلارى باس قوستى - فوتو
بەلارۋس، قىتاي، رەسەي، ا ق ش جانە قازاقستاننان جينالعان ون كوماندا بەس كۇن بويى وق اتۋ، مەديتسينالىق دايىندىق، جەردە باعدارلاۋ مەن كوپتەگەن باسقا سىننان شەبەرلىكتەرىن كورسەتەتىن بولادى.
ق ر قورعانىس مينيسترلىگى باسپا ءسوز قىزمەتىنىڭ حابارلاۋىنشا، بۇل جارىس جاۋىنگەرلەر مەن جالپى كوماندالىق جۇمىستىڭ جەكە جاۋىنگەرلىك دايارلىعىن تەكسەرۋگە باعىتتالعان.
«حالىقارالىق لاڭكەستىكتىڭ ءوسۋى اسىپ جىعىلعان كەزدە ارنايى ماقساتتاعى بولىمشەلەرگە ۇلكەن جاۋاپكەرشىلىك ارتىلادى. ارنايى ماقساتتاعى جاۋىنگەرلەر ەڭ كۇردەلى مىندەتتەردى ورىنداۋعا دايىن بولۋى ءتيىس. سوندىقتان «التىن ۇكى» جارىسىن وتكىزۋ قاتىسۋشى كوماندالاردىڭ وسال جانە مىقتى تۇستارىن ايقىنداۋعا، سونداي- اق حالىقارالىق لاڭكەستىكپەن كۇرەسۋ بويىنشا وزىق تاجىريبە الماسۋعا ىقپال ەتەدى»، دەيدى 14776 اسكەري ءبولىمى كومانديرىنىڭ ورىنباسارى پولكوۆنيك اسحات سادىقۇلوۆ.
سالتاناتتى اشىلۋ راسىمىنەن كەيىن سايىستىڭ ءبىرىنشى كەزەڭى باستالدى. العاشقى كۇنى جاۋىنگەرلەرگە ءارتۇرلى قارۋدان وق اتۋ، مەديتسينالىق دايىندىق پەن زاماناۋي ناۆيگاتسيا اسپاپتارىنسىز جەرگىلىكتى جەردە باعدارلاۋ شەبەرلىكتەرىن كورسەتۋ قاجەت.
