ب. ساعىنتايەۆ ب ۇ ۇ ارنايى وكىلى پەتكو دراگانوۆپەن كەلىسسوزدەر جۇرگىزدى
بۇل تۋرالى ق ر پرەمەر-ءمينيسترىنىڭ باسپا ءسوز قىزمەتىنەن حابارلادى.
كەزدەسۋدە باقىتجان ساعىنتايەۆ قازاقستان حالىقارالىق قاۋىپسىزدىككە تونگەن قاۋىپ جانە دامۋ سالاسىنداعى ماسەلەلەردى شەشۋدە ب ۇ ۇ-نىڭ جەتەكشى ءرولىن مويىندايتىنىن اتاپ ءوتتى.
«قازاقستاننىڭ كوپمەرزىمدى الەۋمەتتىك- ەكونوميكالىق جانە ساياسي دامۋى سىرتقى ورتاداعى، اسىرەسە، ورتالىق ازياداعى جاعدايعا بايلانىستى. ورتالىق ازيانىڭ ەكونوميكالىق تۇراقتى، ءقاۋىپسىز دامۋى، ساياسي تۇراقتى بولۋى ءبىز ءۇشىن ماڭىزدى»، - دەپ اتاپ ءوتتى ق ر پرەمەر-ءمينيسترىنىڭ ءبىرىنشى ورىنباسارى.
ايماقتاعى مەملەكەتارالىق قاتىناستاردىڭ وسال تۇستارىنىڭ ءبىرى سۋ-ەنەرگەتيكالىق رەسۋرستار. ولاردىڭ تەڭ بولىنبەۋى، ورتالىق ازيا ەلدەرىندەگى اۋىل شارۋاشىلىعىنىڭ دامۋىنا كەرى اسەرىن تيگىزەدى.
ورتالىق ازيا ەلدەرى اراسىندا ترانسشەكارالىق سۋ رەسۋرستارىن بىرلەسىپ پايدالانۋ جانە كۇزەتۋدىڭ حالىقارالىق قۇقىق پرينتسيپتەرى نەگىزىندەگى ديالوگتى قولداۋدا ب ۇ ۇ مەن ونىڭ قۇرىلىمدارىنىڭ، سونىڭ ىشىندە UNRCCA ماڭىزى زور.
«قازاقستان ورتالىقتىڭ ارال تەڭىزى باسسەينىنىڭ سۋ رەسۋرستارىن ترانسشەكارالىق باسقارۋ ءۇشىن ءنورماتيۆتى- قۇقىقتىق بازانى جاڭعىرتۋ جانە حالىقارالىق ساراپشىلاردى تارتۋ ارقىلى ورتاق سۋ رەسۋرستارىن پايدالانۋ بويىنشا ءىس- ارەكەتتەرىن جوعارى باعالايدى»، - دەدى باقىتجان ساعىنتايەۆ.
ق ر پرەمەر- ءمينيسترىنىڭ ءبىرىنشى ورىنباسارى پەتكو دراگانوۆتى UNRCCA باسشىسى بولىپ تاعايىندالۋىمەن قۇتتىقتاپ، ونىڭ باي تاجىريبەسى ورتالىق الدىنداعى مىندەتتەردى ءساتتى ورىنداۋعا سەپتەسەتىنىنە سەنىم ءبىلدىردى.
