قازاقستان مەن رەسەي انشىلەرى استانا كۇنىندە فۋتبول وينايدى

استانا. قازاقپارات - قازاقستان مەن رەسەي انشىلەرى استانا كۇنىندە فۋتبول وينايدى ەلوردادا ەسترادا جۇلدىزدارىنىڭ فۋتبولدان «استانا كۋبوگى» ءۇشىن ماتچ وتەدى، -  دەپ حابارلايدى ەلوردا اكىمدىگىنىڭ رەسمي سايتى.

2 - شىلدە كۇنى ساعات 19.00 دە مۇڭايتپاسوۆ اتىنداعى ورتالىق ستاديوندا استانا كۇنىن اتاپ ءوتۋ اياسىندا ەكى ەل ارتىستەرىنىڭ فۋتبولدان جولداسدىق كەزدەسۋى وتەدى. قازاقستاندىق «الاتاۋ» قۇراماسىندا «مۋزارت» ، «نۇر- مۇقاسان» ، «RinGo» ، «Mysterions» ، «اراي» توپتارى مەن جۇبانىش جەكسەن ۇلى، نۇرجان كەرمەنبايەۆ، ابدۋلكارىم كارىموۆ، عادىلبەك جاناي، مەلس ساعات ۇلى، تاۋەكەل ءمۇسىلىم سىندى انشىلەر بار. ال رەسەيلىك «Starcو» كومانداسى يراكلي پيرتسحالاۆا، يليا اۆەربۋح، ەدگارد زاپاشنىي، يليا گليننيكوۆ، ميحايل گرەبەنشيكوۆ، پەر نارتسيسس، ۆيكتور زينچۋك، سەرگەي كرىلوۆ جانە باسقا دا جۇلدىزداردان قۇرالعان.

ماتچتىڭ كوممەنتاتورى ۆيكتور گۋسيەۆ بولادى. 35 مينۋتتىق ويىن مەن شيرەك ساعاتقا سوزىلاتىن ۇزىلىستەن كەيىن ەكى كوماندانىڭ جۇلدىزدارى كورەرمەندەر ءۇشىن كونتسەرت وتكىزەدى.