ن. نازاربايەۆ ر ف-نىڭ مەملەكەت قايراتكەرى ە. پريماكوۆتىڭ قايتىس بولۋىنا بايلانىستى كوڭىل ايتتى
استانا. قازاقپارات - ەلباسى نۇرسۇلتان نازاربايەۆ رەسەي فەدەراتسياسىنىڭ پرەزيدەنتى ۆلاديمير پۋتينگە بەلگىلى مەملەكەت جانە قوعام قايراتكەرى ەۆگەنيي پريماكوۆتىڭ قايتىس بولۋىنا بايلانىستى كوڭىل ايتۋ جەدەلحاتىن جولدادى، دەپ حابارلايدى اقوردانىڭ باسپا ءسوز قىزمەتىنەن.
كوڭىل ايتۋ جەدەلحاتىندا ە. پريماكوۆتىڭ قايتىس بولعانى تۋرالى حاباردى مەملەكەت باسشىسىنىڭ كۇيزەلە قابىلداعانى اتاپ وتىلگەن.
«ەۆگەني ماكسيموۆيچ مەملەكەتتىك جانە ساياسي قايراتكەر، رەسەي قوعامى مەن حالىقارالىق دەڭگەيدە زور بەدەلگە يە عالىم بولاتىن. ول ءوزىنىڭ بىتىمگەرلىك قىزمەتىمەن كوپتەگەن ەلدەردە شىنايى قۇرمەتكە بولەندى»، - دەلىنگەن جەدەلحاتتا.
نۇرسۇلتان نازاربايەۆ قازاقستان حالقىنىڭ جانە جەكە ءوزىنىڭ اتىنان ە. پريماكوۆتىڭ بارشا تۋىستارى مەن جاقىندارىنا كوڭىل ايتتى.
