ەنەرگەتيكا ءمينيسترى ورالداعى گاز تاپشىلىعى ماسەلەسىن ءتۇسىندىردى

استانا. قازاقپارات - ەلىمىزدە سۇيىتىلعان گاز جەتكىلىكتى.

بۇل تۋرالى بۇگىن ورتالىق كوممۋنيكاتسيالار قىزمەتىندەگى بريفينگتە ق ر ەنەرگەتيكا ءمينيسترى ۆلاديمير شكولنيك ءمالىم ەتتى.

باسپا ءسوز ءماسليحاتى بارىسىندا تىلشىلەر تاراپىنان ورال مەن اقتوبە قالالارىندا سۇيىتىلعان گازدىڭ تاپشىلىعىنان بىرنەشە كۇننەن بەرى جۇرگىزۋشىلەر كەزەكتە تۇرعاندىعى تۋرالى ساۋال قويىلدى.

«مەن بۇگىن جاڭالىقتاردان وسى جايىندا ءبىلدىم. ءبىز 2,5 ميلليون توننا سۇيىتىلعان گاز وندىرەمىز. ءبىزدىڭ ەلدە تۇتىنۋ كولەمى ەڭ كوپ دەگەندە 650 مىڭ توننا»، - دەپ توقتالدى مينيستر.

ونىڭ سوزىنە قاراعاندا، مينيسترلىك ءاربىر وبلىستىڭ قاجەتتىلىگىن ەسكەرە وتىرىپ، مىندەتتى كۆوتالاردى رەتتەيدى. ال قالعانىن كاسىپكەرلەر ەكسپورتقا نەمەسە باسقا باعىتتاردا پايدالانا الادى. بۇل تۇرعىدا ەركىندىك بەرىلگەن.

سونىمەن قاتار ول ب ق و- دا قاجەتتەلىك كولەمى شامامەن 1 مىڭ توننا ەكەنىن، سونىمەن بىرگە اتالعان وبلىستا كۆوتا 800 تونناعا جۋىق بولعانىن جەتكىزدى.

«ماعان وسى كۆوتا كوبەيتىلگەنى تۋرالى حابارلادى.

مامانداردىڭ سوزىنشە، اتالعان ماسەلە مينيسترلىكتىڭ ءوزىنىڭ بۇيرىعىمەن سۇيىتىلعان گازعا كوتەرمە ساۋدانى تونناسىنا 31 مىڭ تەڭگەدەن 11 مىڭ تەڭگەگە دەيىن تومەندەتۋى، ياعني بيىل ءۇش ەسەگە ازايتۋىنان تۋىنداۋى مۇمكىن. وسى ورايدا ادامداردا بۇل گازدى بۇدان ارى قاراي ەكسپورتتاۋ نيەتى پايدا بولۋى ىقتيمال. قازىرگى كەزدە كۆوتا كولەمى ارتىپ، پروبلەما شەشىلەدى. ەلىمىزدە سۇيىتىلعان گاز جەتكىلىكتى»، - دەدى ۆەدومستۆو باسشىسى.

اۆتور: رۋسلان عابباسوۆ