قىتاي دارىگەرلەرى گەموفيليا دەرتى بار ناۋقاستارعا وپەراتسيا جاساۋدا قازاقستاندىق تاجىريبەنى قولدانباق

استانا. قازاقپارات - قىتاي دارىگەرلەرى قازاقستاندىق ارىپتەستەرىن گەموفيليا دەرتى بار ناۋقاستارعا وپەراتسيا جاساۋ تاجىريبەسىمەن ءبولىسۋدى سۇراپ وتىر.

بۇل تۋرالى بۇگىن اقوردادا مەديتسينا قىزمەتكەرلەرى كۇنى قارساڭىندا ق ر مەملەكەتتىك حاتشىسى گۇلشارا ابدىقالىقوۆامەن كەزدەسۋ الدىندا استاناداعى №1 قالالىق اۋرۋحاناسىنىڭ يننوۆاتسيالىق باعىتتاعى دارىگەرى ەرسىن ءجۇنىسوۆ ءمالىم ەتتى.

«وسىعان دەيىن ورتالىق ازيا مەن ت م د ەلدەرىندە بولماعان ەمدەۋ تەحنولوگيالارىنا قول جەتكىزدىك. ونىڭ ىشىندە ءبىرىنشى قالالىق اۋرۋحانادا 80 نەن استام يننوۆاتسيالىق تەحنولوگيالار ەنگىزىلدى. اتاپ ايتقاندا، وسى تەحنولوگيالار كەڭىنەن جۇزەگە اسىرىلۋى ءۇشىن ءتيىستى ورتالىقتار قۇرىلدى. بۇل باعىتتا ينسۋلت ورتالىعى، لور جانە باسقا دا ورتالىقتار جاساقتالدى. ناتيجە بار، ياعني بۇرىن ينسۋلتپەن كەلىپ تۇسكەن ناۋقاستار وكىنىشكە قاراي رەانيماتسيا بولىمىنە جاتقىزىلاتىن نەمەسە مۇگەدەك بولىپ قالاتىن. قازىر ەرتە كەزەڭدە جاسالاتىن وپەراتسيالاردىڭ ارقاسىندا ينسۋلتتەن كەيىنگى ءولىم مەن مۇگەدەكتىكتىڭ دەڭگەيى 2-3 ەسەگە تومەندەدى. دەرتى اسقىنعان ناۋقاستاردى امان الىپ قالۋعا شامامىز كەلىپ جاتىر»، - دەدى دارىگەر.

ونىڭ سوزىنە قاراعاندا، بۇگىندە ورتوپەديا مەن تراۆماتولوگيادا قازاقستان ت م د جانە ازيا ەلدەرى اراسىندا ءبىرىنشى بولىپ گەموفيليا (قاننىڭ ۇيۋىنىڭ ناشارلىعىنان قان توقتاماۋ)، تىرەك- قوزعالىس جۇيەسىنىڭ كەسەلدى ىسىگى سەكىلدى ىندەتتەرى بار ناۋقاستاردى ەمدەۋ تەحنولوگياسىن ەنگىزدى. بۇرىندارى وسىنداي دەرتتەرى انىقتالعاندار شەتەلدىك كلينيكالاردىڭ كومەگىنە جۇگىنەتىن نەمەسە ولارعا وپەراتسيا جاسالمايتىن. سوڭعى 10-15 جىلدا بۇل پروبلەما وڭتايلى شەشىمىن تاۋىپ وتىر.

«وسى تۇرعىدا ءبىز 15-20 -شىلدە ارالىعىندا بەيجىڭدەگى ازيالىق كونگرەسكە بارامىز. وندا ءبىزدىڭ ارىپتەستەر گەموفيليا دەرتىنە شالدىققان ناۋقاستاردى ەمدەۋدىڭ تەحنولوگياسىن ەنگىزۋ تاجىريبەسىمەن ءبولىسۋدى سۇراپ وتىر. وسىنداي سىرقاتى بار ادامداردىڭ وپەراتسيادان كەيىن ءولىم- ءجىتىمى وتە جوعارى بولعاندىقتان، ولار قازىر بۇنداي دەرتپەن كەلگەن ەمدەلۋشىلەرگە وپەراتسيا جاساماۋدا. سوڭعى ەكى جىلدا ولار ءبىزدىڭ تەحنولوگيالارعا قىزىعۋشىلىق تانىتۋدا، سونداي- اق ءبىزدىڭ تاجىريبەنى ۇيرەنۋ ءۇشىن ءجيى كەلىپ ءجۇر. وسى جولعى ساپارىمىزدا بىرلەسكەن وپەراتسيالاردى وتكىزۋىمىز ىقتيمال»، - دەدى ە. ءجۇنىسوۆ.

اۆتور: رۋسلان عابباسوۆ