قازان ايىندا ق ر پرەزيدەنتى كاتار مەملەكەتىنە ساپارمەن بارادى
استانا. قازاقپارات - ق ر س ءى م باسشىسى ەرلان ىدىرىسوۆ كاتار ەلىنىڭ سىرتقى ىستەر ءمينيسترى حاليد ءال-اتيامەن كەزدەستى.
كاتار دەلەگاتتارىمەن كەلىسسوزدەر بۇگىن جالعاسىن تابادى، دەپ حابارلادى ە. ىدىرىسوۆ.
«ءبىز بۇل كەلىسسوزدەرگە ينۆەستيتسيا جانە دامۋ مينيسترلىگىنىڭ، اۋىل شارۋاشىلىعى مينيسترلىگىنىڭ جانە «بايتەرەك» ۇلتتىق حولدينگىنىڭ وكىلدەرىن شاقىردىق. مەنىڭشە، وتە تۇشىمدى تالقىلاۋ بولادى، وندا باستىسى - بيىل قازان ايىندا ق ر پرەزيدەنتىنىڭ كاتار مەملەكەتىنە ساپارىن تىنعىلىقتى دايىنداۋ. وندا نەگىزىنەن ەكونوميكالىق سالاعا باسىمدىق بەرىلەدى»، - دەپ اتاپ ءوتتى مينيستر.
«ءبىزدىڭ ەلدەر اراسىندا بەرىك دوستىق قاتىناستار ورناتىلعان. ينۆەستيتسيالىق ارىپتەستىكتى دامىتۋعا مۇددەلىلىك بار. بىزدىڭ قارىم- قاتىناستارعا جاڭا سەرپىن بەرەتىن جاڭا مۇمكىندىكتەر تابامىز دەپ ويلايمىن»، - دەدى حاليد ءال-اتيا.
اۆتور: جاسۇلان جولدىبايەۆ
