ق ر پرەزيدەنتى مەن كاتار سىرتقى ىستەر ءمينيسترى ەكىجاقتى ىنتىماقتاستىقتى تالقىلادى
كەزدەسۋ بارىسىندا ساۋدا- ەكونوميكالىق، ينۆەستيتسيالىق جانە ترانزيتتىك- لوگيستيكالىق ىنتىماقتاستىق ماسەلەلەرى تالقىلاندى، دەپ حابارلادى اقوردانىڭ باسپا ءسوز قىزمەتى.
نۇرسۇلتان نازاربايەۆ قازاقستان مەن كاتار اراسىنداعى قاتىناستار جوعارى دەڭگەيدە ەكەنىن اتاپ كورسەتتى.
- ءسىزدىڭ ساپارىڭىز ىنتىماقتاستىعىمىزدىڭ دەڭگەيىن ودان ءارى ارتتىرۋعا جاردەمدەسەتىنىنە سەنىمدىمىن. كاتار ءبىزدىڭ ەلوردامىزدىڭ قۇرىلىسىنا، سونىڭ ىشىندە «نۇر استانا» مەشىت سالۋعا كومەك كورسەتتى. مەن سونداي- اق سەمەي پوليگونىندا يادرولىق سىناقتاردان زارداپ شەككەن ادامدار ءۇشىن سەمەي قالاسىندا سالىنىپ جاتقان وڭالتۋ ورتالىعى قۇرىلىسىنا جاردەمدەسكەنىنە العىسىمدى بىلدىرەمىن»، - دەدى مەملەكەت باسشىسى.
بۇل جوبا ن. نازاربايەۆتىڭ مادەنيەت، ءبىلىم جانە الەۋمەتتىك باعدارلامالار قورى مەن كاتار دامۋ قورىنىڭ اراسىنداعى ءوزارا ءىس- قيمىل اۋقىمىندا جۇزەگە اسىرىلۋدا.
ءوز كەزەگىندە حالەد ءال- اتىيا كاتار ءامىرىنىڭ سالەمىن جەتكىزدى، سونداي- اق ەكىجاقتى ىنتىماقتاستىقتىڭ ودان ءارى نىعايا تۇسەتىنىنە سەنىمىن ءبىلدىردى.
