استانا كۇنىنە قاراي ەلوردالىقتاردىڭ نازارىنا ەسىل وزەنىنىڭ جاعالاۋىندا وتكىزىلەتىن بىرەگەي لازەرلىك شوۋى ۇسىنىلادى
«استانادا وتەتىن تاعى ءبىر كولەمدى ويىن- ساۋىق شاراسى - اسا اۋقىمدى «نۇرلى ەسىل» مۋلتيمەديالىق پيروتەحنيكالىق شوۋى. بۇل بىرەگەي ۆيزۋالدىق شارا 4-5 - ماۋسىم كۇندەرى ەسىل وزەنىنىڭ اكۆاتوريىندە وتەدى»، - دەپ اتاپ ءوتتى ب. ماجاعۇلوۆ.
ونىڭ ايتۋىنشا، سۋدىڭ ۇستىندە ورناتىلعان وركەستر وينايتىن ساحنالىق پلاتفورما بۇل شوۋدىڭ ەرەكشە ەلەمەنتى بولماق. رەپەرتۋار قازاق حالقىنىڭ تانىمال شىعارمالارى مەن وسى زامانعا لايىقتالعان كلاسسيكالىق كومپوزيتسيالاردان تۇرادى. «ساحنانىڭ جان- جاعىندا ورناتىلاتىن ءتۇرلى بيىكتىكتەردەگى سۋبۇرقاقتارعا جاڭا لازەرلىك تەحنولوگيالاردىڭ قولدانىلۋىمەن ءتۇرلى- ءتۇستى، كوركەم بەزەندىرىلگەن بەينەروليكتەر كورسەتىلەدى. شارانىڭ سوڭعى سالتاناتتى اكتىسى ەسترادالىق- سيمفونيالىق وركەستردىڭ ورىنداۋىنداعى پيروتەحنيكالىق شوۋ بولماق»، - دەپ باياندادى ەلوردالىق مادەنيەت باسقارماسىنىڭ باسشىسى.
بيىل استانا كۇنى «ەل جۇرەگى - استانا» لەيتموتيۆىمەن وتكىزىلەتىنىن اتاپ وتەيىك. بۇل رەتتە مەرەكەلەۋدىڭ باستى تاقىرىپتارى اتاۋلى مەرەيتويلىق داتالار: قازاق حاندىعىنىڭ 550 جىلدىعى، قازاقستان حالقى اسسامبلەياسىنىڭ 20 جىلدىعى بولادى.
