استانالىق پوليتسيا قىزمەتكەرلەرى «ارتەم» ساۋدا ورتالىعى جانىنداعى بۇزاقىلىق ارەكەتتەردىڭ جولىن كەستى

 16 - ماۋسىم كۇنى ساعات 20:10 دا ءى ءى د جەدەل باسقارۋ ورتالىعىنا «ارتەم» س ۇ قاۋىپسىزدىك قىزمەتىنىڭ قىزمەتكەرلەرى قايىر سۇراۋمەن اينالىسىپ جۇرگەن ايەلدى ۇستاعانى تۋرالى حابار كەلىپ ءتۇستى.

 پوليتسيا قىزمەتكەرلەرى بۇل كۇنى ساعات 18.00 شاماسىندا 30 جاستاعى ، Ⅱ توپتاعى مۇگەدەك ايەل، مەكتەپ جاسىنا دەيىنگى كامەلەتكە تولماعان ءۇش بالاسىمەن الماتى قالاسىنان استاناعا قايىر سۇراۋ ماقساتىمەن كەلگەنىن انىقتادى. ول بۇدان بۇرىن دا وسىنداي قۇقىق بۇزۋشىلىعى ءۇشىن بىرنەشە رەت اكىمشىلىك جاۋاپكەرشىلىككە تارتىلعان بولاتىن. ساۋدا ءۇيىنىڭ عيماراتىنا قايىر سۇراۋ ءۇشىن كىرۋگە رۇقسات بەرىلمەگەننەن كەيىن «ارتەم» س و قاۋىپسىزدىك قىزمەتىنىڭ قىزمەتكەرلەرى مەن ازاماتشا ب. -نىڭ اراسىندا سوزگە كەلىپ، جانجال تۋىنداعان. ونىڭ قاسىنا وتكىنشى ادامدار جينالىپ، كوبەيە تۇسكەن.

 وقيعا ورنىنا كەلىپ جەتكەن پوليتسيا قىزمەتكەرلەرى ءمان- جايدى انىقتاپ، اتالعان جاعدايعا قاتىستىلىعىن تەكسەرۋ ماقساتىندا 18 ادامدى ۇستادى. ولاردىڭ اراسىندا ماس ادامدار دا بولدى. زارداپ شەككەندەر مەن مۇلىككە زاقىم كەلۋ وقيعالارى انىقتالماعان.

 اتالعان فاكت سوتقا دەيىنگى تەرگەۋدىڭ ءبىرىڭعاي تىزىمىنە تىركەلدى. ازامات ب. -نىڭ ارىزىمەن ق ر قىلمىستىق كودەكسىنىڭ 252 - بابى بويىنشا (جەكە كۇزەت قىزمەتتەرى قىزمەتشىلەرىنىڭ ءوز وكىلەتتىكتەرىن اسىرا پايدالانۋى) سوتقا دەيىنگى ءوندىرىس باستالدى، سونداي- اق «ارتەم» س ۇ قاۋىپسىزدىك قىزمەتى قىزمەتكەرلەرىنىڭ ارىزىمەن ق ر ق ك 293 - بابى بويىنشا (بۇزاقىلىق) ماتەريال تىركەلدى.

 تەرگەۋ امالدارى جۇرگىزىلۋدە.