ساعاتتىڭ تىلسىم كۇشى
ءولىم بولعان وقيعا ورنىنا جەتكەن كريميناليستەر دە وسى قۇبىلىستى جيى بايقايدى ەكەن. ءبىراق ساعات پەن ادام ءومىرىنىڭ اراسىندا قانداي بايلانىس بار؟ عىلىم العا دامىپ كەتتى دەگەنىمەن، مۇنداي تىلسىمدى تۇسىندىرۋگە كەلگەندە اۋىزدى قۋ شوپپەن سۇرتۋگە ءماجبۇرمىز.
تىلسىم قۇبىلىستى زەرتتەۋشى عالىمدار مۇنى تەك فيزيكالىق تۇرعىدان تۇسىندىرەتىن بولجامدارىن العا تارتادى. ساعات تىلسىمى جونىندەگى اڭگىمەلەردىڭ ءبىرسىپىراسى تومەندەگىدەي: «اجەم قايتىس بولعاندا ۇيدەگى قابىرعادا ىلۋلى بۇكىل ساعاتتىڭ ءتىلى توقتاپ قالدى. ءبارى دە تەك ءبىر عانا ۋاقىتتى كورسەتىپ تۇردى. ول - اجەمنىڭ كوز جۇمعان كەزدەگى ۋاقىت بولاتىن».
«1887-جىلدىڭ 4- جەلتوقسانىندا پەنسيلۆانيا تۇرعىنى دجوردج فراي ميچيگاندا تۇراتىن اعاسى گيدەونعا حات جازىپ جاتىپ، وزىندە ەستەلىككە قالعان اعاسىنىڭ ساعاتىنا قارادى. ولاردىڭ توقتاپ قالعانىن كورگەن فراي ءوزىنىڭ قالتا ساعاتىن شىعارىپ قارادى. سويتسە، اعاسىنىڭ ساعاتى وسىدان بىرنەشە مينۋت بۇرىن عانا، 21:45 تە توقتاپ قالىپتى. اعاسىنىڭ ساعات تىلىن قايتا بۇراپ، جۇرگىزبەك ەدى، سيفربلاتقا تۇسىنىكسىز جارىق ءتۇسىپ، ساعاتتى جۇرگىزبەدى. كەلەسى كۇنى قارالى حابار جەتكىزگەن جەدەلحات كەلدى. جەدەلحاتتا گيدەوننىڭ كەشە كەشكى 21:45 تە قايتىس بولعانى جازىلعان ەدى».
«ۆاشينگتوندىق سۋديا دجەرري ۋيلسون ءتۇن ىشىندە ويانىپ كەتىپ، وزىنە دوسى سىيلاعان ەسكى ساعاتتىڭ توقتاپ قالعانىن بايقادى. تاڭەرتەڭ سۋديا دوسىنىڭ ءتۇن ىشىندە قايتىس بولعانى جونىندەگى قارالى حاباردى ەستىدى». ءتىپتى فرانسيانىڭ كورولى XIV ليۋدوۆيككە تانىمال گوللانديالىق ساعات شەبەرى سىيعا تارتقان ءتىلى بار العاشقى ساعات كورول قايتىس بولعاندا توقتاپ قالعانى جونىندە دەرەك بار. ول ساعاتتى ودان كەيىن ەشكىم قايتا جۇرگىزە الماپتى.
okok.kz
