ق ر پرەزيدەنتى لاكشمي ميتتالمەن تەمىرتاۋداعى «ارسەلور ميتتال» جۇمىسىنىڭ نەگىزگى ماسەلەلەرىن تالقىلادى
استانا. قازاقپارات - مەملەكەت باسشىسى «ارسەلور ميتتال» كومپانياسىنىڭ ءتوراعاسى جانە باس اتقارۋشى ديرەكتورى لاكشمي ميتتالدى قابىلدادى، دەپ حابارلايدى اقوردانىڭ باسپا ءسوز قىزمەتى.
كەزدەسۋدە كومپانيانىڭ قازاقستان ەكونوميكاسىن دامىتۋعا قاتىسۋى ماسەلەلەرى، ونىڭ مەملەكەت جۇزەگە اسىرىپ جاتقان باعدارلامالار اياسىنداعى قىزمەتىنىڭ كەلەشەگى تالقىلاندى.
سونداي-اق تەمىرتاۋداعى «ارسەلور ميتتال» مەتاللۋرگيا كومبيناتى جۇمىسىنىڭ نەگىزگى ماسەلەلەرى قاراستىرىلدى، الەمدىك ەكونوميكاداعى قاتەرلەردى ەسكەرە وتىرىپ، كاسىپورىننىڭ تۇراقتى ءارى ءتيىمدى قىزمەتىن قامتاماسىز ەتۋ قاجەتتىلىگى اتاپ ءوتىلدى.
