ەلباسى سۋرتەشى ك. مۋللاشيەۆپەن قازاقستاندىق بەينەلەۋ ونەرىنىڭ پەرسپەكتيۆالارىن تالقىلادى

استانا. قازاقپارات - بۇگىن مەملەكەت باسشىسى نۇرسۇلتان نازاربايەۆ قازاقستان رەسپۋبليكاسىنىڭ ەڭبەك سىڭىرگەن قايراتكەرى، سۋرەتشى كامىل مۋللاشيەۆپەن كەزدەستى، دەپ حابارلايدى اقوردانىڭ باسپا ءسوز قىزمەتىنەن.

 كەزدەسۋ بارىسىندا قازاقستاندىق مادەنيەتتىڭ، اتاپ ايتقاندا، بەينەلەۋ ونەرىنىڭ جاي- كۇيى مەن پەرسپەكتيۆالارى تالقىلاندى.

مەملەكەت باسشىسى ك. مۋللاشيەۆتىڭ وتاندىق سۋرەت ونەرىنىڭ دامۋىنا قوسقان قوماقتى ۇلەسىن اتاپ ءوتتى. نۇرسۇلتان نازاربايەۆ اتاپ وتكەندەي، سۋرەتشىنىڭ تۋىندىلارى بارلىق قازاقستاندىقتارعا عانا تانىس ەمەس، ولار الىس جانە جاقىن شەتەلدەردەگى كوپتەگەن كورمەلەردە ۇسىنىلعان.

 قازاقستان پرەزيدەنتى ەلدىڭ ءداستۇرلى مادەني جانە رۋحاني قۇندىلىقتارىن ساقتاۋ جانە ودان ءارى تانىمال ەتۋ قاجەتتىگىنە نازار اۋداردى.

ءوز كەزەگىندە ك. مۋللاشيەۆ مەملەكەت باسشىسىنا جان- جاقتى قولداۋ كورسەتكەنى جانە مادەنيەت پەن ونەردى دامىتۋ ماسەلەلەرىنە تۇراقتى كوڭىل اۋداراتىنى ءۇشىن العىسىن ايتتى، سونداي- اق شىعارماشىلىق جوسپارلارىمەن ءبولىستى.