قارا تەڭىز تۇبىندە ەجەلگى كەمەنى زەرتتەۋ باستالدى

استانا. قازاقپارات-   سيەۆاستوپول ماڭىنان تابىلعان ەجەلگى ۆيزانتيالىق كەمەنى زەرتتەۋ جۇمىسى باستالدى. بۇل تۋرالى epochtimes.ru حابارلايدى.

قازىر قارا تەڭىزدە سول ەسكى جادىگەردى تاۋىپ العان ارحەولوگتار مەن «روستوۆ- دايۆ» كلۋبىنىڭ مۇشەلەرى جۇمىس ىستەۋدە. ولارعا قارا تەڭىز فلوتى بارىنشا قولداۋ جاساپ جاتىر.

ەكسپەديتسيا بايلانىسقا سيرەك شىعاتىندىقتان، زەرتتەۋ بارىسى تۋرالى اقپارات از. سۋاستى زەرتتەۋلەرى كوميسسياسى ءتوراعاسىنىڭ مالىمدەۋىنشە، كەمەنى سۋدىڭ بەتىنە كوتەرۋگە رۇقسات جوق. سول سەبەپتى عىلىمي جۇمىستار كوك ايدىننىڭ تەرەڭ تۇڭعيىعىندا باستالعان.

 ەستەرىڭىزگە سالا كەتسەك، ەجەلگى زامان كەمەسى 26 - مامىر كۇنى سيەۆاستوپول ماڭىنداعى تەڭىزدىڭ 82 مەتر تەرەڭدىگىندە تابىلدى. تاريحشىلار ونىڭ ۆيزانتيالىق كەمە ەكەندىگىن ايتتى. سۋ كولىگىنىڭ سۋعا باتۋ سەبەبى ازىرگە بەلگىسىز. كەمە بورتىندا سىنباعان تۇتاس امفورالار بار. عالىمدار مۇنى «سوڭعى 1 عاسىردا تابىلعان بىرەگەي ولجا» دەپ وتىر.

www.24.kz