ن. نازاربايەۆ: بەسىنشى سەزد دەلەگاتتارى باسقوسۋدىڭ باستى ماقساتىنا قول جەتكىزدى

استانا. قازاقپارات - الەمدىك جانە ءداستۇرلى دىندەر ليدەرلەرىنىڭ بەسىنشى سەزى باستى ماقساتىنا قول جەتكىزدى.

بۇگىن استانادا ءوتىپ جاتقان الەمدىك جانە ءداستۇرلى دىندەر ليدەرلەرىنىڭ V سەزىنىڭ ەكىنشى پلەنارلىق وتىرىسىندا قورىتىندى ءسوز سويلەگەن ق ر پرەزيدەنتى نۇرسۇلتان نازاربايەۆ وسىلاي مالىمدەدى.

«الەمدىك جانە ءداستۇرلى دىندەر ليدەرلەرىنىڭ بەسىنشى سەزى ءوز جۇمىسىن اياقتاعالى وتىر. وعان قاتىسۋشى دەلەگاتتار قوناقجاي قازاق دالاسىنا كەلىپ، القالى جيىنعا قاتىسۋ ارقىلى ءوز الدارىنا قويعان ماقساتتارىنا قول جەتكىزدى. ءار ءتۇرلى دىندەر وكىلدەرى ءبىر-بىرىنە، بىرىگۋگە قاراي تاعى ءبىر ماڭىزدى قادام جاسادى. ءدىننىڭ ءوزارا بايلانىسى، ونىڭ جاھاندىق دامۋ تۇرعىسىنداعى ءرولى تۋراسىندا اشىق ديالوگ جالعاسىن تاپتى. بۇكىل الەمدىك قوعامداستىقتاعى تۇراقتىلىق پەن قاۋىپسىزدىك ءۇشىن ىنتىماقتاستىققا دەگەن ورتاق ءارى تەرەڭ مۇددەلەر كورىنىس تاپتى. ءقازىر عانا بارلىق قاتىسۋشىلاردىڭ جەر شارىنداعى ومىرلىك ماڭىزى بار ماسەلەلەر بويىنشا ۇستانىمىن بىلدىرەتىن سەزدىڭ دەكلاراتسياسى قابىلداندى»، - دەپ اتاپ ءوتتى مەملەكەت باسشىسى.

سونىمەن قاتار، ەلباسى ەكى كۇن بويى قازاقستاننىڭ استاناسىندا ءتۇرلى تىلدە، ءتۇرلى داستۇرلەرگە ساي بەيبىتشىلىككە، كەلىسىمگە، ادىلدىككە، جاقىندارىنا دەگەن ماحابباتقا ۇندەيتىن دۇعا- تىلەكتەر ايتىلعانىنا نازار بۇردى.

 «مەن ءدىن قىزمەتكەرلەرىنە قۇدايعا جالبارىنعاندا ءبىزدىڭ قازاقستانىمىزعا گۇلدەنۋ مەن باقىت تىلەگەندەرىڭىز ءۇشىن العىسىمدى بىلدىرەمىن. زور راحمەت سىزدەرگە!» - دەدى ن. نازاربايەۆ.

اۆتور: قانات مامەتقازى ۇلى