ەكسترەميزم بەلگىلى ءبىر ءدىننىڭ مونوپولياسى ەمەس، ءاربىر دىندە ءوزىنىڭ ەكسترەميستەرى بار - مۋنيب يۋنان
«بۇل - وتە ماڭىزدى باسقوسۋ، سەبەبى الەم ءدىننىڭ تۇيتكىلدىڭ سەبەپكەرى ەمەس، تۇيتكىلدى شەشۋشى فاكتور رەتىندە كورۋى ءتيىس. بارشا الەم ءبىزدىڭ بەيبىتشىلىك، بىرلىك ءۇشىن كەزدەسىپ جاتقانىمىزدى كورۋى كەرەك. ەكسترەميزم بەلگىلى ءبىر ءدىننىڭ مونوپولياسى ەمەس، ءاربىر دىندە ءوزىنىڭ ەكسترەميستەرى بار. ءدىني ەكسترەميزم ءدىن دە ەمەس. بۇل - ناعىز ءدىندى قورلايتىن قۇبىلىس. ەكسترەميستەر ءبىزدىڭ ءدىني توپتاردا پايدا بولىپ جاتقاندىقتان، بۇل ءدىن ليدەرلەرى ءۇشىن ۇلكەن سىناق. ءۇنسىز قالساق، ەكسترەميستەردىڭ سىبايلاسى بولامىز، ءۇنسىز قالعان سايىن، سىبايلاس بولعان سايىن ەكسترەميستىك قوزعالىس كۇش الا بەرەتىن بولادى جانە ودان بارلىعىمىز مەيلىنشە كوپ جاپا شەگە بەرمەكپىز»، - دەدى ول بۇگىن الەمدىك جانە ءداستۇرلى دىندەر ليدەرلەرىنىڭ سەزىندە.
ونىڭ ايتۋىنشا، ەكسترەميزمگە قارسى كۇش بىرىكتىرۋگە استاناداعى سەزدىڭ ماڭىزدىلىعى وتە جوعارى. سەبەبى ءدىن ليدەرلەرىنىڭ باسىن قوساتىن جيىن تەك وسى قازاقستاندا تۇراقتى تۇردە وتكىزىلەدى.
«ءوز قاتارىمىزداعى ەكسترەميستەردىڭ ءىس-ارەكەتتەرىن ءسوز ەتپەسەك، ولار ءبىزدىڭ الەمدى سوعۇرلىم جەمىستى وزگەرتە بەرەتىن بولادى. تاتۋ جاتقان حالىقتاردىڭ الەمىن زۇلىمدىققا تولى الەمگە اينالدىرادى. استانا ءبىزدىڭ سانا- سەزىمىمىزدى، كۇش-جىگەرىمىزدى وياتقان جيىن بولدى. بىزگە بارىمىزگە جينالىپ، الەمدەگى تۇيتكىلدەر تۋرالى اڭگىمەلەسۋىمىزگە ۋاقىت جەتتى»، - دەيدى م. يۋنان.
اۆتور: جاسۇلان جولدىبايەۆ
