قازاقستاندا بالانى مەكتەپكە قابىلداۋ ەرەجەلەرى وزگەرەتىن بولدى
پورتالدىڭ مالىمەتىنشە، 2015 -جىلى ءبىلىم بەرۋ جۇيەسىندە ءبىرقاتار رەفورما قابىلداندى. ەندى قازاقستاندىق بۇلدىرشىندەر التى جاستان باستاپ مەكتەپ وقۋشىسى اتانادى.
«ءبىلىم ءبولىمىنىڭ مالىمەتىنشە، ەندى مەكتەپكە دەيىنگى دايارلىق سىنىپتارى ميني- ورتالىقتاردىڭ جۇمىسىن قايتالايتىن بولادى. بۇل رەفورمانىڭ ەرەكشەلىگى مىنادا، بۇرىن بەس جاسار بالانى ميني- ورتالىقتارعا قابىلداپ، التى جاستا مەكتەپكە دەيىنگى دايارلىق سىنىبىنا، ال ءبىر جىلدان كەيىن ءبىرىنشى سىنىپقا جىبەرىلەتىن. ەندى بۇل جۇيە تۇبەگەيلى وزگەردى»، - دەلىنگەن جاريالانىمدا.
مامانداردىڭ سوزىنە قاراعاندا، ەندى بالالاردىڭ جاسىنا، ياعني كۇزدە قانشا جاستا ەكەنىنە باسا نازار اۋدارىلاتىن بولادى.
«ەگەر بالانىڭ جاسى بەستەن بەس جارىمعا دەيىن بولسا، ول ميني-ورتالىققا الىنادى. ال بەس جارىمنان التى جاسقا دەيىن بولسا مەكتەپكە دەيىنگى دايارلىق سىنىبىنا جىبەرىلەدى. جاستارى التىعا تولعاندار ءبىرىنشى سىنىپقا قابىلدانادى»، - دەدى وسكەمەن قالالىق ءبىلىم ءبولىمىنىڭ باسشىسى مادەنيەت احمەتوۆا.
ايتا كەتەيىك، ميني- ورتالىقتار مەن مەكتەپكە دەيىنگى دايارلىق سىنىپتارىنىڭ ءبىلىم بەرۋ باعدارلامالارى ۇقساس. ەگەر اتا- انالار بالالارىنىڭ جاسى التىعا كەلسە دە، عىلىمدى يگەرۋگە دايىن ەمەسىن ايتسا، بۇل ماسەلەنى مەكتەپتەگى پسيحولوگتىق-پەداگوگيكالىق كوميسسيا شەشەدى. ماماندار بالاعا راسىندا دا ءبىلىم الۋ ەرتە مە، جوق پا ەكەنىن انىقتايتىن بولادى.
