يسلام تاريحى تۋرالى كەيبىر كىتاپتاردا بۇرمالانعان مالىمەتتەر بەرىلىپ كەلەدى - شەيح سالمان ءال- حۋسەيني ان- نادۆي

 استانا. قازاقپارات - يسلام تاريحى تۋرالى كەيبىر كىتاپتاردا بۇرمالانعان مالىمەتتەر بەرىلىپ كەلەدى.

بۇل تۋرالى بۇگىن الەمدىك جانە ءداستۇرلى دىندەر ليدەرلەرىنىڭ V سيەزى اياسىنداعى «ءدىن جانە ساياسات: جاڭا اعىمدار مەن پەرسپەكتيۆالار» اتتى سەكسيا وتىرىسىندا «دجاميات- ءال- شاباب ءال- يسلام» مۇسىلمان ۇيىمىنىڭ پرەزيدەنتى شەيح سالمان ءال- حۋسەيني ان- نادۆي ءمالىم ەتتى.

«بۇگىندە بۇقارالىق اقپارات قۇرالدارى وكىنىشكە قاراي يسلام جايىندا پايداكۇنەمدىك اقپاراتتاردى تاراتىپ، قۇراندى تەرىس مازمۇندايدى. سوندىقتان دا بۇنداي پيعىلداردان قۇتىلۋىمىز كەرەك. اتاپ ايتقاندا، پايعامبارىمىزدىڭ ناعىز قاسيەتتەرىن، ياعني قايىرىمدىلىعى مەن مەيرىمدىلىگى جايىندا ايتىلعان مالىمەتتەردى ۇلگى ەتىپ تاراتۋىمىز كەرەك»، - دەدى ول.

شەيحتىڭ سوزىنە قاراعاندا، كەيبىر تاريحي كىتاپتاردا، ونىڭ ىشىندە مۇحاممەد پايعامباردىڭ عۇمىرناماسى تۋرالى كىتاپتاردا اسكەري جورىقتارعا ەرەكشە نازار اۋدارىلعان. شىن مانىندە پايعامبار اسكەري ءىس- قيمىلداردى حالىققا شابۋىل جاسالعان كەزدە عانا باستاعان جانە قاتەر سەيىلگەن كەزدە دەرەۋ توقتاتىپ وتىرعان. سالمان ءال- حۋسەيني ان- نادۆي ءوز سوزىندە مۇحاممەد پايعامبار بوتەن دىندەگىلەردى شەتتەتپەگەنىن، ولارعا زيانىن تيگىزبەگەنىن ايتا كەلە، الايدا قازىرگى كەزدە الەمدە پايعامباردىڭ ءىلىمىن بۇرمالايتىن جانە بارشا ادامزاتقا قاتەر تۋدىراتىن كۇشتەر پايدا بولعانىنا الاڭداۋشىلىق ءبىلدىردى.

اۆتور: رۋسلان عابباسوۆ