تاريحي-تانىمدىق «قازاق حاندارى» اتتى كىتاپ جارىق كوردى - فوتو
جاڭا كىتاپ 7 مىڭ دانامەن «ساردار» باسپاسىندا باسىلىپ شىقتى.
باسپا باسشىلىعى اتالعان كىتاپتى قازاقستاننىڭ بارلىق اۋماعىنا ساتىلىمعا شىعارۋدان بولەك رەسەي قازاقتارىنىڭ نازارىنا دا جەتكىزۋدى ماقسات تۇتىپ وتىر. اۆتورلاردىڭ ايتۋىنشا، كىتاپتىڭ ءۇش تىلدە جارىق كورۋى - بىرنەشە جىلدارعا باعىتتالعان جوبا.
«بۇل كىتاپ قازىر قازاقستاندا مەكەن ەتەتىن 18 ميلليون ادامنىڭ بارىنە تۇسىنىكتى. ەرتەڭگى كۇنى بىرەر جىلدان سوڭ ەكسپو باستالعان كەزدە ەلىمىزگە 5-6 ميلليون شەتەلدىك ازامات ساپارلاپ كەلەدى. سوندىقتان، ولارعا دا قازاق حاندىعىنىڭ تاريحى تەرەڭدە جاتقانىن جەتكىزگىمىز كەلدى»، - دەدى اۆتور، ق ر ۇ ع ا كوررەسپوندەنت مۇشەسى، ءال-فارابي اتىنداعى قازۇۋ پروفەسسورى، تاريح عىلىمدارىنىڭ كانديداتى بەرەكەت كارىبايەۆ.
تاريحشىلاردىڭ مالىمدەۋىنشە، جاڭا ەڭبەكتە تىڭ دەرەكتەر مولىنان كەزدەسەدى. ەڭ الدىمەن تاريحي اقتاڭداقتاردىڭ ورنىن تولتىرۋعا قادام جاسالعان.
«قازاق حاندارى» - عىلىمي مونوگرافيالىق ەڭبەك ەمەس، كوپشىلىككە تۇسىنىكتى بولۋ ءۇشىن جازىلعان. ديزاينىنا شىعارۋشىلار وتە ەرەكشە نازار اۋدارعان. ەلىمىزدىڭ ورتا عاسىرلىق تاريحىنان كورىنىس بەرەتىن سۋرەتتەر بەينەلەنگەن. كەشە عانا تۇركىستانداعى كونفەرەنسيا بولعاندا «قازاق حاندىعى» دەگەن كىتاپ شىقتى. كەرەيدەن قاسىم حانعا دەيىن 78 حاننىڭ ءتىزىمىن كوردىم. ونىڭ ىشىندە ءبىرتۇتاس حاندىق بيلىگى جويىلعان سوڭ ءار تايپا شىڭعىس اۋلەتىنىڭ وكىلىن حان سايلاپ الادى. 3,5 عاسىر تاريحى بار قازاق حاندىعى ەكى كەزەڭگە بولىنەدى. ءبىرىنشىسى - ءبىرتۇتاس قازاق حاندىعىنىڭ كەزەڭى، كەرەيدەن تاۋكەگە دەيىنگى كەزەڭدى قامتيدى. ەكىنشىسى قازاق حاندىعىنىڭ بىتىراڭقى كەزەڭى»، - دەدى اۆتور بەرەكەت كارىبايەۆ.
اۆتور: گۇلميرا عوسمانالي
