عالىمدار بۇرىن-سوڭدى بولماعان وسىمدىك ءتۇرىن ءوسىردى

استانا. قازاقپارات - رەسەيلىك عالىمدار بۇرىن-سوڭدى بولماعان وسىمدىك ءتۇرىن ءوسىرىپ شىعاردى.

بۇل ولاردىڭ سوڭعى 25 جىلدا ءوسىرىپ شىعارعان العاشقى تەحنيكالىق داقىلى، دەپ جازادى epochtimes.ru.

عالىمدار ماقتانىڭ ورنىن باساتىن وسىمدىك - ميسكانتۋستىڭ جاڭا سۇرىبىن ويلاپ تاپقان. ول كوپ جىلدىق وسىمدىككە جاتادى. ميسكانتۋستىڭ بويىندا ماقتا مەن اعاشقا قاراعاندا تسەلليۋلوزا وتە كوپ. مامانداردىڭ ايتۋىنشا، ميسكانتۋستى وڭدەۋ قيىن ەمەس.

بۇل سۇرىپتان بيووتىن، وق ءدارى جانە ءسۇت قىشقىلىن الۋعا بولادى. ءبىراق ول تۇقىم ەمەس، تامىر ارقىلى كوبەيەتىن بولعاندىقتان، ونى كوشىرىپ وتىرعىزۋ تەحنولوگياسىن جاساپ شىعارمايىنشا، جاپپاي ءوسىرۋ قيىندىقتار تۋعىزۋى مۇمكىن، دەپ حابارلايدى 24.kz.