قازاقستان مەن فينليانديا پرەزيدەنتتەرى ەكىجاقتى ىنتىماقتاستىقتىڭ نەگىزگى ماسەلەلەرىن تالقىلادى
بۇل تۋرالى اقوردانىڭ باسپا ءسوز قىزمەتىنەن حابارلادى.
كەزدەسۋ بارىسىندا ساۋدا- ەكونوميكالىق، ينۆەستيتسيالىق جانە مادەني- گۋمانيتارلىق سالالارداعى ەكىجاقتى ىنتىماقتاستىقتىڭ ءبىرقاتار نەگىزگى ماسەلەلەرى تالقىلاندى.
سونىمەن قاتار، مەملەكەتتەر باسشىلارى حالىقارالىق كۇن تارتىبىندەگى مەيلىنشە وزەكتى جايتتار جونىندە پىكىر الماستى.
ەلباسى فينليانديا پرەزيدەنتىنە الەمدىك جانە ءداستۇرلى دىندەر ليدەرلەرىنىڭ الداعى V سيەزىنە قاتىساتىنى ءۇشىن العىس ايتتى.
نۇرسۇلتان نازاربايەۆ سونداي- اق مەملەكەت ارالىق قارىم- قاتىناستاردىڭ تابىستى دامىپ كەلە جاتقانىنا نازار اۋدارىپ، فينليانديا پرەزيدەنتىنىڭ ەلىمىزگە 2013 - جىلعى ساپارى ەكونوميكا مەن باسىمدىعى بار وزگە دە سالالارداعى ىنتىماقتاستىقتىڭ جاندانا تۇسۋىنە سەپتىگىن تيگىزگەنىن اتاپ ءوتتى.
س. نيينيستيە مەملەكەت باسشىسىنا شاقىرۋى ءۇشىن العىس ايتا وتىرىپ، ەكىجاقتى بايلانىستى نىعايتۋدىڭ ماڭىزدىلىعىنا توقتالدى.
