پاۆلودار وبلىسىندا ۇزدىك مەكتەپ ءبىتىرۋشى ۇ ب ت-نىڭ ارقاسىندا اكەسىن جۇمىسقا ورنالاستىرعان
بۇل جونىندە بۇگىن «ەرتىس» باسپا ءسوز كلۋبىندا وتكەن بريفينگ بارىسىندا وبلىستىق ءبىلىم بەرۋ باسقارماسىنىڭ باسشىسى باقىت بەكسەيىتوۆا ءمالىم ەتتى.
- ساعيدوللا ساكەن ءۇش جىل قاتارىنان ورىس تىلىنەن وبلىستىق وليمپياداعا قاتىسىپ جۇرگەن بولاتىن. بىردە ول: «بيىل مەن قازاق تىلىنەن جارىسقا باراتىن بولامىن. سەبەبى ۇستازىم جوعارى ساناتقا ءوتۋى كەرەك»، - دەدى.
شىنىمەن دە ايتقانىنداي، ءبىرىنشى ورىندى جەڭىپ الدى. ءبىلىم جولىنا تۇسكەن شاكىرت قىس بويى الدىن الا تەستىلەۋدە 120 باللدان جوعارى كورسەتكىشكە قول جەتكىزدى. جۋىردا ول مەكتەپ ديرەكتورىنا كەلىپ: «ۇ ب ت تاپسىراتىن ءسات تە جاقىنداپ قالدى. ال ماعان سىناق كىتاپشالارىن ساتىپ الۋ كەرەك»، - دەپ اتا-اناسىنىڭ بىرەۋىن جۇمىسقا ورنالاستىرۋدى وتىنگەن.
بالانىڭ ءوتىنىشىن جەرگە قالدىرماي، كومەكتەسۋدى ءجون كوردىك. اكەسى كۇزەتشى بولىپ جۇمىسقا ورنالاستى. ساعيدوللا ۇ ب ت- دا 125 ۇپاي الۋعا ۋادە بەرگەنمەن، 123 باللعا قول جەتكىزدى. جوعارى ۇپايعا ورىس تىلىنەن نەبارى ەكى بالل جەتپەي قالدى.
الايدا بۇل - ءبىز ءۇشىن جاقسى ناتيجە. ساعيدوللا «التىن بەلگىسىن» اقتاپ، ەشبىر كونكۋرسسىز كەز كەلگەن جوعارى وقۋ ورنىنا تۇسۋگە جولداما الدى، - دەيدى اۋداندىق ءبىلىم بەرۋ ءبولىمىنىڭ باسشىسى تۇرسىن الىبەكوۆا. اۋداندىق ءبىلىم بەرۋ ءبولىمىنىڭ باسشىسى ۇسىنعان اقپاراتقا سۇيەنسەك، ماي اۋدانىندا بيىل 62 وقۋشى 11-سىنىپتى بىتىرگەن.
ولاردىڭ 45 ى (72 پايىزى) ۇبت تاپسىرىپ، 82,93 ورتاشا باللدى كورسەتتى. - مۇنداي جوعارى ناتيجەگە قول جەتكىزۋدىڭ سىرى - ۇستازداردىڭ بىلىكتىلىگىندە.
پەداگوگتاردىڭ 88 پايىزى - جوعارى ءبىلىمدى، 20 پايىزدان استامى بىلىكتىلىگىن ارتتىرۋ كۋرسىنان وتكەن جانە 52 پايىزى ءبىرىنشى جانە جوعارى ساناتتاعى ۇستازدار. سونداي-اق مىقتى ديرەكتورلار كورپۋسى جۇمىس ىستەيدى.
جىل سايىن ون ءبىرىنشى سىنىپ بتىرۋشىلەرگە اقسۋ قالاسىنىڭ № 2 -مەكتەبىنە وتكىزىلەتىنى ايتىلادى. ال بۇل مەكتەپتە ۇيالى بايلانىس تەلەفوندارىن ءوشىرىپ تاستايىن قۇرىلعى ورناتىلادى. سوندىقتان دا بالالار موبيلدى تەلەفوندارعا ەمەس، تەك قانا ءوز كۇشتەرىنە سەنەدى، - دەيدى ءبىلىم بەرۋ ءبولىمىنىڭ باسشىسى.
