قىتاي حالقى اپات قۇرباندارىن ازا تۇتۋدا

استانا. قازاقپارات - قىتايداعى جاعا ۇستاتارلىق جاعدايدىڭ بولعانىنا تۋرا ءبىر اپتا ءوتتى.

سوڭعى مالىمەتتەر بويىنشا، يانتسزى(چاڭجياڭ) وزەنىندەگى كەمە اپاتىنان 434 ادام قايتىس بولدى.

قايعىلى وقيعاعا بايلانىستى بارشا حالىق قايعى جامىلىپ، تسزيانلي ۋەزىنىڭ تۇرعىندارى قۇرباندارعا ازا تۇتۋدا. سۋ تۇبىندە اجال قۇشقان ادامداردىڭ رۋحىن اسقاقتاتۋ ءۇشىن ولار سارى لەنتالارعا دۇعالارى مەن تىلەكتەرىن جازىپ، بۇكىل جەرگە بايلاپ جاتىر.

تسزين ليلي، مەكتەپ وقۋشىسى:

- مۇنى ءبىز اپاتتان قازا تاپقانداردىڭ جاتقان جەرلەرى جايلى، جاندارى ءجانناتتا بولسىن دەگەن نيەتپەن ءىلىپ جاتىرمىز. ال ودان امان قالعان 14 ادامنىڭ رۋحى بەرىك بولسىن دەپ تىلەيمىز. تەپلوحودتىڭ اۋدارىلۋىنان جاقىنىنان ايىرىلعان ادامدار تسزيانلي ۋەزىنە اعىلىپ جاتىر. ولار جەرگىلىكتى بيلىكتەن قازا تاپقاندار مەن ءتىرى قالعاندار تۋرالى اقپارات بەرۋدى تالاپ ەتۋدە. جيىلعان جۇرت قۇتقارىلعان ادامداردىڭ دەنى ەكيپاج مۇشەلەرى بولعانىنا نارازى.

ايتا كەتەيىك، 1 -ماۋسىمدا اپاتقا ۇشىراعان كەمەنىڭ بورتىندا 456 ادام بولعان.

www.24.kz