سەمەيدە ەر ادام پيازدىڭ يىسىنە بولا ايەلىن پىشاقتادى
تەرگەۋ مالىمەتتەرىنشە، وقيعا تاڭەرتەڭ بولعان. 57 جاستاعى ايەل تاڭعى اسقا جۇمىرتقا مەن پياز قۋىرعان.
سول مەزەتتە اس بولمەسىنە كۇيەۋى كىرىپ كەلىپ، ءۇيدى جيىركەنىشتى ءيىس الىپ كەتكەنىنە شاعىمدانادى. ايەلى وعان پيازدى قۋىرعاندا ءيىسى بولاتىنىن ايتقان. ەر ادام ماسەلەنى شەشۋ ءۇشىن ايەلىنىڭ ارتىنان كەلىپ، بىرنەشە رەت پىشاقتايدى.
ۇيدە ەرلى-زايىپتىنىڭ ەرەسەك قىزدارى بولعان. ايعايلاعان داۋىستى ەستىگەن قىز اس بولمەسىنە جۇگىرىپ كەلەدى. ول اكەسىن اناسىنان اجىراتىپ الىپ، «جەدەل جاردەم» شاقىرعان.
تەرگەۋ امالدارى كەزىندە وسى وقيعاعا دەيىن ەر ادامنىڭ ءوزىن ناۋقاس سەزىنگەنى انىقتالدى.
دارىگەرلەر وعان پسيحونەۆرولوگيالىق ديسپانسەرگە كورىنۋگە كەڭەس بەرەدى. ول جەردە ەر ادامعا تۇراقتى ەمدەلۋ كەرەگىن ايتادى. ءبىراق ەر ادام ماڭىزدى ىستەرىنە بايلانىستى كەيىن ەمدەلەمىن دەپ شەشكەن.
سوت ساراپتاماسى ەر ادامنىڭ دەنساۋلىعىندا كىنارات بارىن انىقتادى. سوتتىڭ شەشىمىمەن ودان قىلمىستىق جاۋاپكەرشىلىك الىنىپ تاستالدى. ول ەم قابىلداۋ ءۇشىن مامانداندىرىلعان پسيحياتريالىق ەمحاناعا جىبەرىلدى.
