ەلباسى استانانىڭ «جاسىل بەلدەۋىن» قۇرايتىن ورمان القابىن تىكۇشاقپەن قاراپ شىقتى - فوتو

استانا. قازاقپارات - بۇگىن ەلباسى نۇرسۇلتان نازاربايەۆ استانانىڭ «جاسىل بەلدەۋىن» قۇرايتىن ورمان القابىن تىكۇشاقپەن قاراپ شىقتى.

استانانىڭ «جاسىل بەلدەۋىن» ارالاعاننان كەيىن مەملەكەت باسشىسى ورمانعا قىرعاۋىلداردى جىبەردى.

«ەلوردانى اقمولاعا كوشىرگەن كەزدە قالانىڭ ىشىندەگى كليمات ناشار بولاتىن. ياعني، شاھاردىڭ ءىشىن شاڭ باسىپ كەتەتىن ەدى. ەندى بۇگىندە الىپ ورمان ەكتىك، قالانىڭ ىشىنە دە گۇلزارلار مەن اعاشتار وتىرعىزىلدى. قازىر قالادا شاڭ جوق. استانا ماڭىندا ورماننىڭ جايقالىپ وسۋىنە بايلانىستى قالانىڭ ىشىندەگى جەل دە ازايدى. باستاپقىدا ەلوردانىڭ ماڭىنا ورمان وتىرعىزايىق دەگەندە، كوبىسى بۇل جەردە ورمان وسپەيدى دەگەندى ايتقان ەدى. وعان قاراماي، عالىمدارمەن اقىلداسىپ، 1998 -جىلدان بەرى ورمان وتىرعىزا باستادىق. ون جەتى جىلدىڭ ىشىندە جايقالىپ ءوسىپ تۇرعان ورمانعا اينالدى. وسىنداي ورمان قالانىڭ توڭىرەگىندە 70 مىڭ گەكتارعا جەتتى. ونىڭ ىشىندە 12 مىڭ گەكتارى - قالانىڭ ىشىندە. قازىرگى العا قويعان ماقسات - 2020 -جىلعا دەيىن 100 مىڭ گەكتارعا جەتكىزۋ» ، - دەدى مەملەكەت باسشىسى ب ا ق وكىلدەرىنە بەرگەن سۇحباتىندا.

اۆتور: رۋسلان عابباسوۆ