جاڭادان شاقىرىلعان ساربازدار العاش رەت جاۋىنگەرلىك قارۋدان وق اتتى
جاڭادان شاقىرىلعاندار و ا ج-1 جاتتىعۋلارىن (وقۋ اتىستارىنىڭ ءبىرىنشى جاتتىعۋلارى) ورىندادى. پراكتيكالىق ساباقتارعا تەوريالىق دايىندىق كۋرسى نەگىز بولدى، وندا ساربازدار اتىس قارۋىنىڭ سيپاتتامالارىن، وق اتۋ تەحنيكاسى مەن ەرەكشەلىكتەرىن، قاۋىپسىزدىك ەرەجەلەرىن زەردەلەدى.
بۇل جاس ساربازداردىڭ اسكەري قىزمەتتەگى ناعىز جاۋىنگەرلىك قارۋدان العاش رەت اتۋى. ولاردىڭ بارلىعى پراكتيكالىق ساباقتى جاقسى يگەردى. اتىس ناتيجەلەرى بويىنشا قاتارداعى جاۋىنگەر الىمبايەۆ 27 بالل جينادى. العاشقى وقۋ-جاتتىعۋلارى ءۇشىن بۇل جاقسى ناتيجە. بۇل اتىستاردى جاس اسكەريلەردىڭ «جاۋىنگەرلىك باستاماسى» دەپ ايتۋعا بولادى.
ارمياداعى ءبىر جىل قىزمەت ىشىندە ولاردى ءالى دە وسىنداي ساباقتار، وقۋ- جاتتىعۋلار مەن دالالىق جيىندار كۇتۋدە، دەپ حابارلايدى ق ر قورعانىس مينيسترلىگىنىڭ باسپا ءسوز قىزمەتى.
