گيننەس رەكوردتار كىتابىنا ەنگەن دۋدايەۆتار «مەرەيلى وتباسى» بايقاۋىندا باق سىنايدى

استانا. قازاقپارات - الماتىدا «مەرەيلى وتباسى» جالپىۇلتتىق بايقاۋىنىڭ ايماقتىق جەڭىمپازدارى انىقتالدى.

بيىلعى بايقاۋعا قالادان 83 وتباسى قاتىسۋعا نيەت بىلدىرسە، ءار اۋداننان 2 ۇلگىلى دەگەن وتباسى ىرىكتەۋدەن ءوتتى. ياعني قالالىق فينالدا ەندى 16 وتباسى باق سىناماق.

بيىل قاتىسۋشىلار سانى وتكەن جىلمەن سالىستىرعاندا 2 ەسە كوپ.

بايقاۋدىڭ ايماقتىق فينالىنا وتكەندەر اراسىندا ءتۇرلى ۇلت وكىلدەرى مەن ءارقيلى ماماندىق يەلەرى جانە 60 جىلداي بىرگە عۇمىر كەشىپ كەلە جاتقان ەكى ارداگەردىڭ وتباسى دا بار. قازاقستانداعى «گيننەس» رەكوردتار كىتابىنا ەنگەن دۋدايەۆتار وتباسى دا وسى قاتاردا.

بۇل شاڭىراقتا 26 مەديتسينا قىزمەتكەرى بار. فينالعا وتكەن بارلىق جەڭىمپازدار باعالى سىيلىقتارمەن ماراپاتتالدى.

قۇدايبەرگەن قابدولدين، بايقاۋعا قاتىسۋشى:

- ءبىزدىڭ وتباسىن قۇرعانىمىزعا بيىل 58 جىل بولادى. 5 بالامىز، 11 نەمەرەمىز، 8 شوبەرەمىز بار. ارينە قيىنشىلىق ۋاقىتتار كوپ بولدى. جاس كەزىمىزدە، جاستىق شاعىمىزدا كورگەن قيىنشىلىقتىڭ جەمىسى دەيمىز، قازىر وتباسىمىز باقىتتى دەۋگە بولادى.

تۇراش شىنىبەكوۆا، بايقاۋعا قاتىسۋشى:

- ايتادى عوي، ىدىس-اياق سىلدىرلاماي تۇرمايدى دەپ. ءبىراق ءبىزدىڭ وتباسىمىز ءۇشىن ونداي جاعداي بولىپ كورگەن جوق. ءبىزدىڭ بالالارىمىزدىڭ ءوزى بىزدەرگە تاڭ قالادى. قالاي بىرگە تۇرىپ، ءبىر ۇرىسقاندارىڭىزدى ەستىگەن جوقپىز دەپ. سوندىقتان دا ءبىزدىڭ جولىمىزدى جاستارعا بەرسىن.

www.khabar.kz