گەرمانيا حالقى ترانساتلانتيكالىق كەلىسىمگە قارسى

استانا. قازاقپارات - نەمىستەر الىپ جەتىلىك سامميتىنىڭ قارساڭىندا باس كوتەردى. ميۋنحەندە وتكەن ەرەۋىلگە ونمىڭداعان ادام قاتىسىپ جاتىر.

شەرۋشىلەر ترانساتلانتيكالىق كەلىسىمشارتقا قارسىلىعىن بىلدىرۋدە.

ولار وسىعان وراي ا ق ش پەن ەۋرووداق اراسىندا جۇرگىزىلىپ جاتقان كەلىسسوزدەردى ءۇزۋدى تالاپ ەتىپ جاتىر.

سەباستيان، ەرەۋىلشى:

- ءبىزدىڭ ماقسات-مۇددەمىز ءۇشىن جۇمىس ىستەۋگە ءتيىستى تۇلعالار شىن مانىندە ءوز قامىن عانا ويلايدى. ارانىن اشقان كورپوراتسيالاردىڭ دا كوزدەگەنى تەك - قالتاسىن تولتىرۋ. بىزگە جاساعان جاقسىلىقتارى جوق.

قالا كوشەلەرىنە قاراپايىم ەل تۇرعىندارىمەن قوسا بەلگىلى ساياساتكەرلەر دە شىقتى. بەلسەندىلىك تانىتىپ جاتقانداردىڭ اراسىندا بۋندەستاگ ءتوراعاسىنىڭ ورىنباسارى دا بار. ەرەۋىلشىلەرگە ارنالعان قالاشىقتاردا قازىر جۇزدەگەن ادام ورنالاسىپ العان.

ايتا كەتەيىك، G7 القالى جيىنى الداعى جەكسەنبىگە جوسپارلانعان. سوعان وراي جەرگىلىكتى بيلىك قاۋىپسىزدىك شارالارىن كۇشەيتىپ جاتىر. سامميت وتەتىن «ەلماۋ» سارايى ماڭىنداعى ءتارتىپتى 25 مىڭ پوليتسەي باقىلاماق.

ال جەردەگى جاعدايدى اۋەدەن 30 تىكۇشاق قاداعالاماق. سونىمەن قاتار گەرمانيانىڭ اۆستريا جانە چەحيا ەلدەرىمەن شەكتەسەتىن ايماعى قاتاڭ باقىلاۋعا الىنعان.

www.24.kz