ەلباسى ر. ۆەيونيستى لاتۆيا پرەزيدەنتى بولىپ سايلانۋىمەن قۇتتىقتادى

استانا. قازاقپارات - ەلباسى نۇرسۇلتان نازاربايەۆ رايموندس ۆەيونيسكە لاتۆيا رەسپۋبليكاسىنىڭ پرەزيدەنتى بولىپ سايلانۋىنا بايلانىستى قۇتتىقتاۋ جولدادى.

بۇل تۋرالى اقوردانىڭ باسپا ءسوز قىزمەتىنەن حابارلادى.

قازاقستان پرەزيدەنتى ءوز قۇتتىقتاۋىندا ءبىزدىڭ ەلىمىز بەن لاتۆيانىڭ دوستىق پەن ءوزارا سەنىمگە نەگىزدەلگەن قارىم-قاتىناسى بولاشاقتا ەكى حالىقتىڭ يگىلىگى، تاتۋلىعى مەن تۇراقتىلىعى ءۇشىن نىعايا بەرەتىنىنە سەنىم بىلدىرگەن.

نۇرسۇلتان نازاربايەۆ ر. ۆەيونيسكە مىقتى دەنساۋلىق، قىزمەتىنە تابىس، ال دوستاس لاتۆيا حالقىنا باق-بەرەكە تىلەدى.