10:53, 05 - ماۋسىم 2015 | GMT +5
جەتكىنشەك ءبىر اي بويى كوزىنە تۇسكەن قۇرتتى بىلمەگەن
استانا. قازاقپارات - ليما قالاسىنىڭ دارىگەرلەرى 17 جاستاعى ناۋقاستىڭ كوزىنەن 3 سانتيمەترلىك قۇرت تاپقان.
جاسوسپىرىم كوزىنىڭ ءۇستى ىسىگەن سوڭ ۇلتتىق بالالار اۋرۋحاناسىنا كەلگەن.
دارىگەرلەر قۇرتتىڭ بالانىڭ كوزىنە قالاي تۇسكەنىن تۇسىنە الماي وتىر، دەپ حابارلادى ۆەستي. رۋ.
جەلىدە وتانىڭ جاسالىپ جاتقان كەزىندە تۇسىرىلگەن ۆيدەو پايدا بولدى. باس وفتالمولوگ كارولينا مارچەلانىڭ سوزىنە قاراعاندا، قۇرت بالا باسىنداعى تەرىنىڭ استىنا كىرىپ، ونىڭ ميىنا زاقىم كەلتىرۋى مۇمكىن. قۇرتتى شىعارۋ ءۇشىن دارىگەرلەر ناۋقاستىڭ بەتىنە رايحان گۇلىنىڭ مايىن جاققان.
اشىققان قۇرت مايدىڭ ءيىسىن سەزىپ شىققاندا، دارىگەرلەر ونى پينتسەتتىڭ كومەگىمەن سۋىرىپ الدى. وتا بىرنەشە ساعاتقا سوزىلدى. ابىروي بولعاندا، ليما تۇرعىنى جاپا شەككەن جوق، جاقىن ارادا ول قايتا كورە الاتىن بولادى. بۇدان بۇرىن كانادا ازاماتشاسىنىڭ قۇلاعى مەن كوزىنەن 120 دەرناسىل الىنعانى حابارلانعان بولاتىن.
