بابالار ءسوزى: بۋراباي اتاۋى تۋرالى اڭىز
بۇل جوبا اياسىندا «بابالار ءسوزى» ، «قازاق حاندارى» ، «ەجەلگى قالالار تاريحى» ، «حالىق قازىناسى» قاتارلى جاڭا ايدارلار اشىلدى.
«بابالار ءسوزى» ايدارى نەگىزىنە «مادەني مۇرا» باعدارلاماسى اياسىندا شىققان 100 تومدىق اۋىز ادەبيەتىنىڭ جىر- تولعاۋلارى، قيسسا- داستاندار، ءسوز ۇستاعان شەشەندەر مەن بيلەرىمىزدەن قالعان ناقىلدار، تاريحي جادىگەرلەر الىندى. «قازاق حاندارى» ايدارىندا تاريحىمىزدا ەلىنە قورعان بولعان حانداردىڭ ءومىرى تۋرالى دەرەكتەر بەرىلەدى. ال «ەجەلگى قالالار تاريحى» ايدارىنا قازاق دالاسىنداعى وركەنيەتتىڭ ورداسى بولعان كونە قالالاردىڭ تاريحى تۋرالى جازبالار جاريالانادى. «حالىق قازىناسى» ايدارى بويىنشا، قازاقستانداعى تاريحي، مادەني ەسكەرتكىشتەر، قازاق حالقىنىڭ سالت- داستۇرلەرى، قولونەر، قارۋ- جاراقتارى تۋرالى ماعلۇماتتار بەرىلمەك. جوبا ماتەريالدارى قازاق تىلىندە (قازاقشا جانە توتە جازۋمەن) اگەنتتىك سايتىندا جاريالانادى.
***
ارقاداعى كوكشەنىڭ وڭىرىندە ەل- جۇرت اۋليەدەي ساناعان اقباس بۋرا مەكەن ەتىپتى دەيدى. ول بۋرانىڭ اسەمدىگى، سيپاتى كورگەن ادامدى تاڭىرقاتپاي قويمايدى ەكەن. سونىڭ سۇلۋلىعىنا قىزىققان ءبىر باتىر اڭدىپ ءجۇرىپ جاڭاعى بۋرانى قوس جەبەمەن اتادى. اۋىر جارالانعان بۋرا بيىك تاۋدى اينالا قاشىپ بارىپ ءبىر تۇستارعا جەتكەندە شوگە كەتەدى. بوزداعان داۋىسىن ەستۋگە، كوزدەن اققان جاسىن كورۋگە ءداتى بارماعان باتىر دا، ەل دە كوپ ۋاقىتقا دەيىن جاڭاعى تۇسقا جولاي الماپتى. بۋرانىڭ ءۇنى توقتاپ، ەلدىڭ كوڭىلى باسىلعاننان كەيىن باتىر ءبىر توپ سەرىكتەرىمەن الگى جەرگە كەلسە، سول بۋرا تاسقا اينالىپ، كوزىنەن اققان جاسى كولگە اينالىپتى. سودان بەرى كوپشىلىك سول كولدى «بۋراباي» دەپ اتاپ كەتىپتى.
