قىتايداعى قازاقستاندىق ستۋدەنتتەر: مەملەكەتتىك رامىزدەر تۋعان ءۇيىمىزدى ەسكە سالادى - فوتو

بەيجىڭ. قازاقپارات - شەت مەملەكەتتە تۋعان ءۇيدى ەسكە سالاتىن بىردەن-ءبىر نىشان ول مەملەكەتتىك رامىزدەر بولىپ تابىلادى.

بۇل تۋرالى قازاقپارات تىلشىسىنە ق ح ر- دا ءبىلىم الىپ جاتقان ستۋدەنتتەردىڭ اتىنان قازاقستان ستۋدەنتتەرى قاۋىمداستىعى بەيجىڭدەگى بولىمشەسىنىڭ ءتوراعاسى ءاشىم تۇرسىنكەلدين ايتتى.

«ءبىز ءۇشىن، شەكارانىڭ ار جاعىندا ءبىلىم الىپ جاتقان ستۋدەنتتەر ءۇشىن بۇل كۇننىڭ ماڭىزى زور بولىپ تابىلادى. تۋعان جەردەن جىراقتا جۇرگەندە وسى مەملەكەتتىك رامىزدەر ءبىزدىڭ ءۇيىمىزدى ەسكە سالادى. وكىنىشكە وراي، كوبى ءبىزدىڭ وسىنداي جەتىستىككە قالاي قول جەتكىزگەنىمىزدى، حالقىمىزدىڭ ەرلىگىن ءالى تۇسىنە قويعان جوق. مەملەكەتتىك رامىزدەر جاستاردى پاتريوتتىققا تاربيلەۋدە ماڭىزدى فاكتور بولىپ تابىلادى. مەملەكەتتىك رامىزدەر - حالىقتىڭ بىرلىگىنىڭ كورىنىسى»، - دەدى ول.

ءا. تۇرىسكەلديننىڭ ايتۋىنشا، مەملەكەتتىك تۋ، ەلتاڭبا، مەن ءانۇران قازاقستانداعى تۇراقتىلىق پە ەرتەڭگە دەگەن سەنىمدىلىكتىڭ بەلگىسى ىسپەتتەس. «مەن قازاقستان ازاماتى ەكەنىمدى ماقتان تۇتامىن!» - دەدى ستۋدەنت.