ب ۇ ۇ باس حاتشىسى الەمدىك جانە ءداستۇرلى دىندەر كوشباسشىلارىنىڭ سەزىنە قاتىسادى

استانا. قازاقپارات - ب ۇ ۇ باس حاتشىسى پان گي مۋن گەرمانيادا وتەتىن ۇلكەن جەتىلىكتىڭ سامميتىنە قاتىسادى، ودان كەيىن ورتا ازياعا اتتانادى، دەپ حابارلادى باس حاتشىنىڭ رەسمي وكىلى ستەفان ديۋجارريك.

«8- ماۋسىمدا باس حاتشى G7 توبىمەن كەزدەسۋ ءۇشىن ەلماۋعا بارادى، سونداي-اق پان گي مۋن گ ف ر كانتسلەرى انگەلا مەركەل مەن س ءى م باسشىسى فرانك-ۆالتەر شتاينمايەرمەن كەزدەسەدى دەپ جوسپارلانعان»، - دەدى ول.

سودان كەيىن باس حاتشى تاجىكستان، قازاقستان، قىرعىزستان، وزبەكستان مەن تۇركىمەنستان ەلدەرىنە بارادى، دەپ جازادى ر ي ا نوۆوستي.

10- ماۋسىم كۇنى ول قازاقستاندا الەمدىك جانە ءداستۇرلى دىندەر كوشباسشىلارىنىڭ بەسىنشى سەزىنە قاتىسادى. ساپار اياسىندا پرەزيدەنت نۇرسۇلتان نازاربايەۆپەن، پرەمەر-مينيستر كارىم ماسىموۆپەن، سىرتقى ىستەر ءمينيسترى ەرلان ىدىرىسوۆپەن جانە سەنات سپيكەرى قاسىم-جومارت توقايەۆپەن كەزدەسۋ وتەدى.

«ال 11- ماۋسىم كۇنى باس حاتشى قىرعىزستاندا پارلامەنتاريزمدى دامىتۋدىڭ حالىقارالىق كونفەرەنتسياسىنىڭ اشىلۋ راسىمىندە بولادى. سونداي-اق پرەزيدەنت الماسبەك اتامبايەۆ پەن پرەمەر-مينيستر تەمىر ساريەۆپەن كەزدەسەدى. 12- ماۋسىم كۇنى وزبەكستاندا پرەزيدەنت يسلام كارىموۆپەن، س ءى م ابدۋلازيز كامولوۆپەن كەزدەسۋ جوسپارلانعان»، - دەپ جازىلعان باسپا ءسوز حابارلاماسىندا.

ساپار سوڭىندا ب ۇ ۇ باسشىسى تۇركىمەنستاندا بولىپ، پرەزيدەنت گۋربانگۋلى بەردىمۋحامەدپەن كەلىسسوزدەر وتكىزەدى جانە گۋمانيتارلىق عىلىمداردىڭ حالىقارالىق ۋنيۆەرسيتەتىندە ستۋدەنتتەرمەن ديدارلاسپاق.