08:25, 06 - ماۋسىم 2015 | GMT +5
الماتى وبلىسىندا قۇتقارۋ قىزمەتتەرىنىڭ حالىقارالىق وقۋ- جاتتىعۋلارى اياقتالدى - فوتو
استانا. قازاقپارات - الماتى وبلىسىنىڭ تامعالى تاس شاتقالىندا ق ر ءى ءى م ت ج كوميتەتىنىڭ «جارتاستى قالا - استانا» وقۋ- ماشىقتانۋ پوليگونىندا ش ى ۇ- ىنا مۇشە مەملەكەتتەردىڭ قۇتقارۋ قىزمەتىنىڭ «ورتالىق ازياداعى الاپات جەر سىلكىنىسى كەزىندە ءىس- شارالاردى ۇيىمداستىرۋ جانە ورىنداۋ» تاقىرىبىنداعى حالىقارالىق وقۋ- جاتتىعۋلارى اياقتالدى.
وقۋ- جاتتىعۋعا قازاقستان، رەسەي، تاجىكستان، قىرعىزستان جانە قىتاي ەلدەرىنىڭ وكىلدەرى قاتىستى. ولار باستى ماقساتتارى - ءۇيىندى استىنان زارداپ شەككەندەردى الىپ شىعىپ، مەديتسينالىق كومەك كورسەتۋگە ماشىقتاندى.
ق ر ىشكى ىستەر ءمينيسترىنىڭ ورىنباسارى ۆلاديمير بوجكو اتاپ وتكەندەي، وقۋ- جاتتىعۋلار الدىنا قويىلعان مىندەتتەرگە قول جەتكىزىلدى. ناتيجەسىندە ش ى ۇ- ىنا مۇشە ەلدەردىڭ قۇتقارۋ قىزمەتتەرىنىڭ ىقپالداستىعى ارتىپ، ولار ءوزارا تاجىريبە الماستى.
ايتا كەتەيىك، ش ى ۇ- ىنا مۇشە ەلدەردىڭ بىرىككەن وقۋ- جاتتىعۋلارى 2009 - جىلدان وتكىزىلىپ كەلەدى.
