قىتاي مەن ءۇندىستان رەسەيدىڭ جاڭا «ارمات» تانكىسىنە قىزىعىپ وتىر

استانا. قازاقپارات - قىتاي، ءۇندىستان جانە وڭتۇستىك-شىعىس ازيانىڭ ءبىرقاتار مەملەكەتى رەسەيدىڭ جاڭا «ارمات» تانكىسىن ساتىپ الۋعا نيەتتى ەكەنىن جەتكىزدى.

بۇل تانك 9- مامىر كۇنى ۇلى جەڭىستىڭ 70 جىلدىعىنىڭ قۇرمەتىنە ماسكەۋدە وتكەن پارادتا تانىستىرىلعان بولاتىن، دەپ حابارلايدى Bnews.kz.

«قىتاي، ءۇندىستان جانە وڭتۇستىك-شىعىس ازيانىڭ ءبىرقاتار مەملەكەتى جاڭا تەحنيكامىزدى ساتىپ الۋعا نيەتتى ەكەنىن ءبىلدىردى. ءبىز بۇل ەلدەرمەن اسكەري-تەحنيكالىق سالادا بۇرىننان بىرگە جۇمىس جاساپ كەلەمىز»، - دەيدى ر ف پرەزيدەنتىنىڭ اسكەري-تەحنيكالىق ىنتىماقتاستىق سالاداعى كەڭەسشىسى ۆلاديمير كوجين.

سونىمەن قاتار، كوجيننىڭ ايتۋىنشا، بۇل تەحنيكا وزگە مەملەكەتتەرگە اراعا ءبىرشاما ۋاقىت سالىپ ساتىلاتىنىن جەتكىزدى. «ازىرگە شەتەلدىك تاپسىرىس بەرۋشىلەر بۇگىنگە دەيىن جاسالعان كەلىسىم-شارت اياسىندا جەتكىزىلەتىن اسكەري تەحنيكانى مىسە تۇتىپ وتىر»، - دەيدى ول.