ەلباسى: ينۆەستورلار ءۇشىن ق ر اگروبيزنەسىنىڭ تارتىمدىلىق الەۋەتى تولىق اشىلماي وتىر
بۇل تۋرالى بۇگىن ق ر پرەزيدەنتى جانىنداعى شەتەل ينۆەستورلارىنىڭ 28- كەڭەسىندە ەلباسى نۇرسۇلتان نازاربايەۆ ايتتى.
«قازىرگى ۋاقىتتا بىزدەر بايقاپ وتىرعان كۇردەلى سىرتقى ەكونوميكالىق جاعدايلارعا، گەوساياسي سىن- قاتەرلەرگە قاراماستان قازاقستان ەكونوميكالىق ءوسىم مەن ينۆەستورلار ءۇشىن تارتىمدى ەكەندىگىن دالەلدەپ كەلەدى. اعىمداعى جىلى جالپى وتىرىستىڭ تاقىرىبى قازاقستانداعى اگروبيزنەستى دامىتۋ بولىپ وتىر. مۇنداي تاقىرىپتىڭ تاڭدالۋى دا توسىننان ەمەس. قازاقستان جەر اۋماعى بويىنشا الەمدەگى توعىزىنشى مەملەكەت، بىرەگەي اۋىل شارۋاشىلىعى رەسۋرستارىنا يە»، - دەدى مەملەكەت باسشىسى.
سوىنمەن قاتار ەلباسى قازاقستان گەوگرافيالىق تۇرعىدا ءداستۇرلى وڭىرلىك نارىقتارعا قىزمەت كورسەتۋ ءۇشىن وڭتايلى ورنالاسقانىن، سونىمەن بىرگە قىتاي، ءۇندىستان جانە تاياۋ شىعىستىڭ نارىقتارىنا شىعۋ مۇمكىندىگى بار ەكەندىگىن باسا ايتتى. دەگەنمەن وتاندىق جانە شەتەلدىك ينۆەستورلار ءۇشىن ەلىمىزدىڭ اۋىل شارۋاشىلىعى رەسۋرستارىنىڭ تارتىمدىلىق الەۋەتى تولىق اشىلماي وتىرعانىن دا اتاپ ءوتتى.
«ءبىز ءوز تارابىمىزدان ءتۇرلى ەلدەرگە ازىقتىق استىق ەكسپورتىن ارتتىرۋدامىز جانە جاڭا نارىقتار مەن مۇحيتقا شىعۋ ءۇشىن جاڭا كولىكتىك ماگيسترالدار سالۋدامىز»، - دەدى ق ر پرەزيدەنتى.
اۆتور: مارلان جيەمباي
