ب. ساعىنتايەۆ: ايدىن ايىمبەتوۆتىڭ عارىشقا ۇشۋىنىڭ تەحنيكالىق ماسەلەلەرى شەشىلدى

استانا. قازاقپارات - قازاقستاندىق عارىشكەردى ح ع س-نا (حالىقارالىق عارىش ستانساسىنا) اتتاندىرۋمەن بايلانىستى تەحنيكالىق ماسەلەلەر رەسەي تارابىمەن «كەلىسىلدى».

بۇل تۋرالى قازاقستاننىڭ ءبىرىنشى ۆيتسە-پرەمەرى باقىتجان ساعىنتايەۆ جۋرناليستەرگە رەسەيلىك ارىپتەسى دميتري روگوزينمەن كەلىسسوزدەرىنىڭ قورىتىندىلارى بويىنشا بريفينگتە ءمالىم ەتتى، دەپ حابارلادى ت ا س س.

 «ءبىز ايتقان ماسەلەنىڭ ءبىرى - جالپى ءبىزدىڭ ازاماتىمىزدىڭ عارىشقا ۇشۋى جايى. پرينتسيپىندە قازىر مەرزىمدەرى بەلگىلەنەدى، ال تەحنيكالىق جاعى تولىقتاي رەسەي تاراپىمەن كەلىسىلدى»، - دەدى ساعىنتايەۆ.

بۇدان بۇرىن قازاقستان ۇلتتىق اەروعارىش كوميتەتى ءتوراعاسىنىڭ ورىنباسارى مەيىربەك مولدابەكوۆ ت ا س س تىلشىسىمەن اڭگىمەسىندە قازاقستاندىق عارىشكەر ايدىن ايىمبەتوۆ حالىقارالىق ەكيپاجدىڭ قۇرامىندا وربيتاداعى ح ع س-نا ۇشۋعا تولىق ءازىر دەپ اتاپ ءوتتى.

ونىڭ ايتۋىنشا، رەسپۋبليكادا بۇل جوسپار 2009 -جىلدىڭ وزىندە پىسىقتالعان بولاتىن، ءبىراق تا پايدا بولعان قارجىلىق تۇيتكىلدەرگە بايلانىستى كەيىنگى قالدىرىلعان. «ءبىراق تا ول كەزدە عىلىمي باعدارلاما جاسالدى جانە قازىر ونى جۇزەگە اسىرۋعا بولادى. عارىشكەردى دايارلاۋ دا جۇرگىزىلدى»، - دەدى مولدابەكوۆ.

بۇدان بۇرىن حابارلانعانداي، بريتانيالىق ءانشى سارا برايتمان 1 -قىركۇيەككە جوسپارلانعان ح ع س-نا ۇشۋدى وتباسى جاعدايىمەن كەيىنگى قالدىردى. «رەسەيعارىش بريتاندىق ءانشىنىڭ ورنىنا ح ع س-قا «سويۋز ت م ا-18م» كەمەسىمەن كىم ۇشاتىنى تۋرالى شەشىمدى ازىرگە قابىلداعان جوق. «ءارتۇرلى نۇسقالار قاراستىرىلۋدا - كەلىسسوزدەر ءالى ءجۇرىپ جاتىر. تۇپكىلىكتى شەشىم قابىلدانعان كەزدە حابارلايمىز»، دەپ اتاپ ءوتتى ۆەدومستۆونىڭ باسپا ءسوز قىزمەتى.